كبتن عتيبه =
ياسلام الله وانـا محتـار مابيـن زملايـه=خايف اليا اخترت فيهم تكبر الشرهه عليه!!
ميـر ياشعـار ياحضّـار ياغايـة منايـه=كل واحد له سلام وكل واحد لـه تحيـه!!
فواز السعيدي=
مابرحب بك هنا لكـن يازيـن البدايـه=وانت مثل العد يوم العد ميراد الضميه!!
ماذكرتك لين شفتك جبّت حبّك في رحايه=افتل المعنى وانا حاضر وعندي معنويه!!
كبتن عتيبه =
ما أنت راعي مرحبا ..مير أحسن المولى عزايه=فالسلام اللّي.. خساره لا وصل نفـسً رديّـه!!
مير أنا رجال وأحـذف زلـة الطيّـب ورايـه=نظرتي قدّام ..وشدادي على ظهـر المطيـه!!
فواز السعيدي=
والله انّي عـن طريـق الحـق مازلّـت خطايـه=فـي محلّـك دارت الهرجـه وهـات الشاذليّـه !!
فيك خير .. وفيك شر .. وفيك كبره .. (والنهايه؟)=انـت بكـره فالتـراب الـدّود ينخـر فاللحيّـه !!
كبتن عتيبه =
اللقافه عند أهلهـا صايـره ورث وهوايـه=وأنت لو عندك شوية عقل ماجبت الخطيـه!!
ليت فواز السعيدي حط فـي جيبـه مرايـه=لين يعرف ويش طوله؟ جنب برج الفيصليه!!
فواز السعيدي=
روّحت ياكبتن عتيبه ولاهـي عـاد جايـه=اضمنوها ياعتيبه ( غلطة الشاطر بميّه ) !!
مخ ساقك جفّ ياكبتن من اسبـاب العنايـه=خاب ظنّي فيك (طلّعنا حقيقتك الخفيّـه ) !!
كبتن عتيبه =
لا تقدّم بالجماعه وأنت مأنت بحافظ آيـه=ولا تشيّخ فوق ربعك وأنت يافواز عيّه!!
كانها بالمستوى ما أنته بواصل مستوايه=السماء ماهو قريّب منك يالأرض الوطيّه!!
فواز السعيدي=
الثبيتي ماتـرك قربـه ولا وفّـر شوايـه=صبح ياكل بالرياض وعصر ياكل بالحويّه !!
والله انّا مانبالـك غيـر ستـرك والهدايـه=ولاّ انا معروف منزالي وضرباتي دميّـه !!
كبتن عتيبه =
كان يافواز عينك في غداي وفي عشايه=جعلك من الزاد ماتترك كثير ولا بليّه!!
عنتر ازعل ربعه بفعله وقنّعهم برأيـه=أشهد أنّه عذر ويعذر خويً من خويه!!
فواز السعيدي=
قبل لاتمشي طريقك طبّق شـروط الوقايـه=ثم حاول تنتبه لجـل المطبّـات القويّـه !!
انشد العود الكبير اللي لقـي حـل الغبايـه=ان نشدته قال (صادق والجريّه بالجريّه ) !!
ياسلام الله وانا محتـار مابيـن زملايـه
خايف اليا اخترت فيهم تكبر الشرهه عليه!!
ميـر ياشعـار ياحضّـار ياغايـة منايـه
كل واحد له سلام وكل واحد لـه تحيـه!!
مابرحب بك هنا لكـن يازيـن البدايـه
وانت مثل العد يوم العد ميراد الضميه!!
ماذكرتك لين شفتك جبّت حبّك في رحايه
افتل المعنى وانا حاضر وعندي معنويه
مير أنا رجال وأحـذف زلـة الطيّـب ورايـه
نظرتي قدّام ..وشدادي علـى ظهـر المطيـه!!
مير أنا رجال وأحـذف زلـة الطيّـب ورايـه
نظرتي قدّام ..وشدادي علـى ظهـر المطيـه!!
الله الله
لاغرابه الابداع من اهل الابدااع
كبتن عتيبه
صح لساااانك حتى ترضى
فواز السعيدي
صح لساااانك حتة ترضى
طارووق
رااائع
راااائع
بروعة شعاااره