شب الزمن جمره يسمونها الصيف
...................والصيف ماهو بارتفاع الحراره
الصيف والله لاجفوك المواليــــــف
...................وبقى لهم بالصدر قدر وصداره
تسمع لهم في وسط صدرك سواليف
...................ماكنهم غابوا ولا به زيـــــــاره
وظليت تحسب للوفاء والمعاريــف
..................وتقلب اللي فات تاره وتـــــــاره
تاره تقول العزم صبر على الحيـف
..................وتاره تقول الصبر كله مــــراره
ومن كثر ماتطري عليك التحاسيف
..................تقول راح العمر كله خســـــاره
لو الزمن مره يجيني على الكيــف
...................مقدار مايفهم لبيب الأشـــــاره
بشرت غلطاتي بحسن التصاريف
..................واخذت من نفسي لنفسي بشاره
وش يحرج الرجال غير المواقيف
..................اللي تنزل هيبته وإعتبــــــــاره
والله لو تعرض رقبتي على السيف
..................أهون علي من الندم والخساره
اعجبتني ونقلتها لكم