[طارق النفيعي]

سلام عليكم ورحمة الله وبركاته

قصيدة الشاعر :

محمد غازي النخيش (عبارة , عبارة )

فـ الطايف في حفلة الشوهان

القصيدة صوت وصورة :



القصيدة للجوال تحميل :

http://www.rofof.com/11sdfkz8/Dow.html

القصيدة للأستماع بالصوت :



القصيدة كتابة :

ياسامعن قولي عباره عباره=قول(ن) منزه مايجي فيه تزوير
قول(ن) يبا يجلا الظلام بأناره=في وقتنا اللي كل الأوصاف به غير
وقت(ن) به العربان مثل العماره=اللي تبا مع طايل الوقت تغيير
لاطال عمر البيت يتعب جداره=خص(ن) إليا كثرت عليه الأعاصير
ياشين طبع الخلق عقب التجاره=فقرانهم يذوق عسر وتعازير
ماعاد تلقى فالخلايق نعاره=كلن بحاله في جميع التعابير
أنا درست أطباعهم بالشطاره=ثم اختبرت أحوالهم بالمعايير
تسعين بالميه نتاج اختباره=لقيتهم ماينكرون المناكير
ورفيقهم لو عز ربعه وجاره=تجيه هجمات اللغاوي مغاوير
تشوفهم بالحكي نمر النماره=وإن جا زمان الفعل راحوا شعاثير
يستقبلون الهرج مثل البشاره=إن كان به هزب ومسبه وتشهير
ويفسرونه بالهوى والقذاره=ويرحلونه يم راع الثراثير
ثم سجلوه بذاكرتهم عياره=مافيه للمشتوم دمح ومعاذير
منهم ترى بالقلب غبن وحراره=حكي القفا جاله مع الوقت تأثير
والطيب اللي ودنا جنب داره=ماله حقوق عند ربع الدنانير
ولو ضرب يمناه بعدوه دماره=ماشاف في هالوقت سمعه وتقدير
ومادام طير البوم كبروا صغاره=تبا تشوف بقادم الوقت تقصير
ومادامت البغضاء بقت فالصداره=ودنيا العنا تمشي على دهنة السير
ومادام قل الدين جاله أشاره=والعاقله فالقوم واهي تدابير
عز الخفوق اللي يشيل الغياره=وقله ترى هالوقت ماعاد به خير

رابط تحميل القصيدة بالصوت :

بالزر اليمين (حفظ الهدف بأسم )

http://www.flahal-morqe.com/vb/uploa...1257657910.mp3


وقتا ً ممتعا ً أتمناه لكم

التوقيع

أخوكم : طارق النفيعي

آخر تعديل طارق النفيعي يوم 08-Nov-2009 في 02:15 PM.