سعد العصيمي=
العوازم لاينامون الضحى تحت العريشه=كان ماعت زبدة العكه وسال السمن منها
المشايخ كلهم ماحللـو لحـم الوليشـه=كيف اقدمها كرامه للطراقي في صحنهـا
العازمي=
العوازم ماينامون الضحى لو فيه عيشـه=كلمةٍ من فم سعد والعازمي ماسال عنها !!
دون بيبان الكرامه من يعايـن للدريشـه=يالعصيمي لو تضيّفنا دفعنالـك ثمنهـا!!
سعد العصيمي=
كان بيشه ماش عيشه وش تبا في تمر بيشه=لاتقول ان تمر بيشه يشبع النفـس وبدنهـا
كان جيت بثوبك المشقوق ابا الفك بخيشـه=النشاما واعيـه وعيونهـا ماحـدً ضمنهـا
العازمي=
ياسعد وقع الحيا فالارض يامزيـن رشيشـه=كم غسل من كبد عشعش فوقها كايد وسنها!!
شيلها وان جاك غازي فالدير توحي كريشـه=لفه ابها وان بغيت افزوعنا تامـر وتنهـا!!
سعد العصيمي=
الحكومه حددت للفرد قانـون المعيشـه=واليدين العامله لا خالفت ترجع وطنهـا
كل حرً ينعرف من كبر مخلابه وريشـه=ان تبع برق الحباري راحت وقفى زمنها
العازمي=
كل وادي يالعصيمي فيه ديبانـه وهيشـه=واليدين الطايله تجلي عن الانفس حزنها!!
الخطر يوم الخطر مشبوك من سلكه بفيشه=ياسعد راع الذلول اعذر وقلدها رسنهـا!!
سعد العصيمي=
اذنك اكبر من يداك وتوحي الداب وشيشه=مار صنها عن كلام ابليس قبل اقول صنها
الضعيفه والهزيله والمريضه والغشيشـه=مايشد عنانهـا ولابعـد يشـرب لبنهـا
العازمي=
ماتغارب لو يدبّ الخوف فالنفس الخريشه=والكرامه للنفوس الميته خامـة كفنهـا!!
ماشعم نار الزناتي غير سطواته وجيشه=يكسر القومان فالميدان ثم ياخذ رهنها !!
الحكومه حددت للفرد قانون المعيشـه
واليدين العامله لا خالفت ترجع وطنهـا
كل حرً ينعرف من كبر مخلابه وريشه
ان تبع برق الحباري راحت وقفى زمنها
كل وادي يالعصيمي فيه ديبانـه وهيشـه
واليدين الطايله تجلي عن الانفس حزنها!!
الخطر يوم الخطر مشبوك من سلكه بفيشه
ياسعد راع الذلول اعذر وقلدها رسنهـا!!
الضعيفه والهزيله والمريضه والغشيشـه
مايشد عنانهـا ولابعـد يشـرب لبنهـا
ماشعم نار الزناتي غير سطواته وجيشه
يكسر القومان فالميدان ثم ياخذ رهنها !!
ياسلام عليكم
سعد العصيمي
عيد العااازمي
لاعدمناكم
طاروووق راائع
صحت الالسن والقلوووب