يالله ياللي حايطن كل الاسرار=ياللي نسبح لك على سر وجهار
يالواحد المعبود مالك شريكي=تبرج لقلبن من هوا البيض محتار
قلبن من اسباب العذارا مريضي=لاطب ينفع به ولاينفعة شار
لاجيت اعذلة ماتسمع لقولي=شفة مع اللي رسمها رسم الامهار
بنت الرجال امرويين الصقيلة=عدوهم تركى على كبدة النار
وينكف لدارة بالفشل والهزيمة=وقصيرهم تلقاة في عال االاوكار
في ماكرن مايلحق الخوف عينة=وان جيت ابا اصفها يحيرن الانضار
هذا الجمال اليوسفي ماش غيرة=اليا التفت خدة كما شع الانوار
يجهر بنورة كل عينن تشوفة=واليا طرق بالعين تفداة الاعمار
يفداة ولد اللاش واللي يحوشة=ويفداة من ربعة وفيين الاشبار
ياجعلهم فدوه لخدة وعينة=ونهودة اللي كنها قطف الاثمار
وشعرن كما ليلن كسابة متونة=وسنون كاللولو وفي وسط محار
قلبي تعب منها وزادت شطونة=وشفايفن كالجمر مامثلها صار
والريق كنة خمر من كف خمار= ولا عسل مجناة من سبع الاشجار
ويالله يامعبود يارازق الناس =انك تكافيها صواديف الاقدار
هذاة مطلوبي وانا مسلمن بار= بجاهك وجاة اللي له الناس زوار
واختامها مني سلام وتحيات = على الرسول اعداد من فالوطى سار
ابن عاضي