بسم الله الرحمن الرحيم
السلام عليكم ورحمة الله وبركاته
أخواني أعضاء منتدى الهيلا أقد لكم هذه الابيات المتواضعه ولعلها أن تنال ولو بعض أستحسانكم
ولعت من همـي قناديـل الايمـان=في عتمة الغربـه تنـور حياتـي
وكتبت فوق اسهاف الاوراق عنوان=للي يبـي تعليـل كثـرة سكاتـي
انا لقيت الصمت في بعض الاحيان=يامكثريـن الهـرج بلسـم لذاتـي
لاصار هرج الرجل مامعه برهـان=ولاله تجارب كيف بالهـرج ياتـي
اخير من كثر الحكي قول سبحـان=من صور الانسان بحسن صفاتـي
اللي قسم رزقه على الانس والجان=عسالنا في ضـل عرشـه مباتـي
الواحد المعبـود خـلاق الانسـان=ربي وانـا عبـده ولالـي غناتـي
عن رحمته في يوم زوغات الاذهان=لا نفخ في صوره وقمنـا اعراتـي