عقاب العنزي
يابو زيد الهلالي سالفتنا كلها فذياب = ثلاث سنين في راسه سيوف القوم محدوده
طعنتوا في قناة المجد والتسويق للمرقاب = عسى الله ينصر اهل الدين مع سلمان ابن عوده
معجب العتيبي
الا يا اصحابنا منهو يرد العلم يم عقاب=تواريخ العرب من ماضي الازمان موجوده
نعز الدين . والدنيا لنا فيها هدف واسباب=عسى الله ينصر اللي ينصر الاسلام ويزوده
عقاب العنزي
تجمعتوا على شر وشريره دون ذكر اسباب = وابن غانم بوجه القوم في سيفه وباروده !!
ليا منه نوى يفتح على شان المحبه باب = لقا بيبانكم يااصحابنا العتبان مردوده !!
معجب العتيبي
تجمعنا على عز ومعزه يوم مثلك غاب=وابن غانم يابن وايل يصون الدار وحدوده
تقوله يوم ضيعت الحقيقه تطلب الانشاب=ترا لا انته ولاربعك على الانشاب محدوده
عقاب العنزي
اثر معجب بلش مابين شكل العقربه والداب = وانا احسبه رجل وقت اللقا ماباحت سدوده
على فعل الخطا مانعذر الاقراب والاجناب = وابن غانم عداه العيب فالمرواح والعوده
معجب العتيبي
اثر بعض الحقايق تدخل اهل الدين فالارهاب=صلاتك لاتخليها ترا الايام معدوده
ولا حنا رضيناها يابن وايل على الاقراب=لو ان الناس فاللي قلت يارجال محسوده
عقاب العنزي
صحيبك تعتزيبه عام الاول يوم ماش اصحاب = وبعد ماطاح لدّيت النظر عن نقصه وزوده
انا ظني على اللي قد حصل يالعطاوي خاب = عمر ولد المهنّا منظلم يامحمد الفوده
معجب العتيبي
على وضح النقا تبنى علاقة فاتل الاشناب=وعلى جلب المصالح عمرها ماجات مردوده
ترا حق الامانه ياوسيع العرف بالارقاب=وصية حق يعرفها وليد الناس وجدوده