سعود البرقاوي
يالشبل سكّر دفترك وادخل لفصل الاختبار = واجلس على الكرسي .. عساك تحل كل الاسئلة
سؤالك الاول .. وش اللي تعرفه عن قندهار ؟ = وسؤالك الثاني .. من اول شخص فجّر قنبلة ؟
شبل الهيلا
الاختبار اليا تقابلنا على قحص المهار= في ساعةٍ فيها مايبرز غير راع الاولة
خل القنابل والبلاد اللي ورى سبع البحار= الظاهر انك فالبلد ناوٍ تسوي مشكلة
سعود البرقاوي
حنا بعصر العولمة وانته تبا شعله ونار = روّق شوي وفك قلبك للمخيلة تغسله
انا بغيت اقرر الميزان واعطيك القرار = وآثرك مشاغب كل ماشفت المدرس تختله
شبل الهيلا
يالكبتن اللي جيت بالارباص في وسط المطار=ان كان في صدرك خبر عجل على الناس وقلة
والا على طيارتك غادر ومن غير احتقار= حنا ترانا في بلدنا مانحب البلبلة
سعود البرقاوي
آنا توقعتك ذكي لكن خذها باختصار = مالك ومال الشعر خله يالغليّم لاهله
ياهل البلاد اللي علمها ماعرفنا له شعار = حنا رجال شعارنا ،، ياصعب درب المرجلة
شبل الهيلا
مذمتي ياسعود من ناقص ماجت فالاعتبار= وانته كلامك ياولد ماهوب سورة منزلة
شعارنا ياسعود بحلوق العدا مثل الزرار= وشعاركم يابن الحلال منافقة ومجاملة
سعود البرقاوي
اليا لحقك الشك في نفسك مع طوال العمار = سلّم على الشايب وخل الباب دونك يقفله
عزالله اني ما آعرف وش صار من خلف الستار = مير الجماعة كل واحد يمتك ساق جمله