علي فلاح العضياني
يا شبل هات إذنك و أبا أعلمك بالعلم الاكيد=إن كنت تحسب للعلوم حساب و الساري سرى
من فلم كرتون الرجال الواعيه ما تستفيد= إحذف شريطه خارج الدولاب و الساري سرى !!!
شبل الهيلا
انا اعرف العلم الاكيد ومحتسي سيفٍ حديد=وانته يابن عاضي سوات الداب والساري سرى
عن فلم كرتون الرجال الواعية دايم بعيد= ماعندي الا مصحفي وكتاب والساري سرى
علي فلاح العضياني
حاول تعزوا لين فالغزوه يحطّونك عقيد=الناس ملّت من خلف و حجاب و السارى سرى
حكّم ضميرك و أظهر المعنى من أبيات القصيد=كلمه لها موقع من الاعراب و الساري سرى
شبل الهيلا
البندق اللي يالعضياني لك الله ماتصيد= والله ماوردها على الانشاب والساري سرى
لو ترمي المعنى تحت قاع البحر ماني بليد= اطلعة في شاشة المرقاب والساري سرى
علي فلاح العضياني
يا صاحبي وراك جبت العيد جعلك ما تعيد=يا كبر ظنّي فيك لكن خاب و الساري سرى
أريد و انت تريد و الله فوق يفعل ما يريد=المخطيه ما تكسب الاعجاب و الساري سرى
شبل الهيلا
مجندل الفرسان فالميدان والخصم العنيد= ياعلي عنكم وقف الاحزاب والساري سرى
خلك معه ياصاحبي فالدرب لاتقعد وحيد= وتروح لقمة بين ضرس وناب والساري سرى
علي فلاح العضياني
إسمع بيوت حبيب و ملفي و مستور و رشيد=و مسيلمه ما هو نبي كذّاب و الساري سرى
المعرفه توخذ من أهل العرف و الراي السديد=و الدّين ما يوخذ من الأعراب و الساري سرى