اقتباس:
المشاركة الأصلية كتبت بواسطة ابو فايح
تقول لديك شكوك انه فلم هندي
اذا منهم ابطاله ؟؟
وماقصة الفلم بالتفصيل ؟؟
المعنى في بطن الشاعر 
اذا 40% غير مقتنع بها ممكن توضح لماذا تختلف معه في 40% من الموضوع ؟؟؟
اختلاف وجهات النظر لايفسد للود قضيه
انا اسالك انت لا ترجع تسالني ؟؟؟ هل فهم المعنى ام لا ؟؟؟
اسأل الاسطوره
لا انا لا ادري اسالك هل فيه واسطه ومجامله ؟؟؟
اهل مكه ادرى بشعابها
أشوف لست أعمى ولكن من وجهة نظرك هل ترى انهم يستحقونه ويستحقون ان يكونون في مرتبه واحده
مثلا انت في مرتبه شعريه واحده مع الكبتن ؟؟؟
ولماذا الكبتن
اللي يسمعك يقول الكبتن مطلق الثبيتي
صدقت الحمدلله الف مره ان الامر ليس في يدك
صدقت يابو فايح الحمد لله مليون مره هههه
.................................................. .... .................................................. .... .................................................. ..............
تقول في احد ابياتك لأحد الشعراء
عام الاول يوم واعدني على وسق الاصيله*** حاصل" بيني وبينه في المواعيد اختلافـي
كلمة (على ) وكلمة ( وسق ) ما الفرق بينها الا تحمل نفس المعنى ؟؟؟
انت شايف انها تحمل نفس المعنى 
هل يمكن ان يواعدك (على) (تحت ) الاصيله ؟؟؟
يمكن ليش لا :d
الا ترى انها مجرد حشو للبيت لا اكثر ولا اقل ؟؟؟
كلمات متقاطعه 
تقول لعبدالله الاصعر
يازين هرجك كل ماجـوّك صفـي*** والمرجله ماهـي هـروج اتفلّهـا
هذا صحيح وعان قـدرك منكفـي***والناس تعرف وش عليها وش لها
وقفة البيت على ( اللام والهاء والالف ) ( اللام :مشدده )
فالبيت الثاني (اللام : مفتوحه )
اما ان كنت تقول في النطق تكون (إالها ) فهنا يكون عسر وربما كسر للبيت اليس كذلك ؟؟؟
يجوز للشاعر مالايجوز لغيره :d
تقول في أحد ابياتك :
صدق لاقالوا مايشنا الرجال الا الرخوم**مير غطّ السالفه لاتكشف اقدوررهـا !!
كلمة (تكشف ) تنطق في بيتك هكذا ( تَكَشَفَ ) جميع الحروف مفتوحه !!!
من اين جبت هذا الكلمه ؟؟ الكلمه اصلا ( لاتكشّف ) الشين مشدده !!!
ولو جبتها فالبيت والشين مشدده لاصبح البيت مكسور ولهذا انت جبت كلمه معسوره ومكسوره اليس كذلك ؟؟؟
انت سمعتني يوم غنيت البيت عشان تحكم على نطق الكلمه
تقول في احد ابياتك :
لو تجيب الطيبه مانقول انك عقيـم** انت متطرّف وعندك علوم مطرّفه !!
كلمة مطرفه ( يعني على جنب )
لكن انت تقصد بها كلمة (التطرف والغلو ) ولكن انت نقصت حرف لكيلا ينكسر البيت
وش دراك اني اقصد بها تطرّف وغلو عشان جبت متطرّفه قبلها
تبي تحلل حتى افكار الشعار مانت سهل يابو فايح
والله يبي لك كرسي اعتراف لمدة شهر ولا يكفي :d
وجئت بكلمه لاتدل على ما تقصد !!! ولا تناسب ماسبقها فالبيت !!!
ماقول كلمه الا اقصدها
ان كنت تقول انها (مطرّفه) (بالتشديد ) يصبح البيت مكسور !!!
ان كنت اقول :d
والسؤال هل مطرفه مثل متطرفه في قاموسك ؟؟؟
قاموسي فيه اشياء كثيره وعجيبه ولا كل واحد يفهمها
تقول في أحد ابياتك :
انته تزور الحرم لكن تنسى الطواف*** كمّل فروضك وشيطان الرجيم العنه
تقول (شيطان الرجيم )
من هو الرجيم؟؟؟ (( بما انك عرفته ووضعت له (ال) التعريف ))
أعرف انها تقال (ال( بما انك عرفته ووضعت له (ال) التعريف ))
أعرف انها تقال (الشيطان الرجيم) او ( شيطان رجيم ) او عندك علم اخر ؟؟؟
هذا في علم النحو والصرف يابو فايح
تقول في موال
يابو زياد اقرب ونادي لمـرزوق ***خله يـدوّر فزعتـه برقـا وروق
قاف(ن) رباعي بين سابق ومسبوق ***يلله على بابك يافتـاح الابـواب
(نادي ) اعرف انها تقال للمؤنث كيف تزهم بها رجل ؟؟؟؟
الرجل يقال له (ناد )
يمكن تكون نادي الاتحاد ههه
المسأله ليست مزح انا فعلا" اقصد ماقول
ماقلتلك في قاموسي اشياء ما كل واحد يفهمها
تقول في احد ابياتك :
اشوفك تدّرج في منتدى العتبـان وتطوفـه **اقلك ويش عندك قلت انا مشغول عندي شغل
هل هناك شخص مشغول بلا شغل !!!
لماذا التكرار ؟؟؟
فيه (( مشغول البال ))
احد المرات قلت
علي فلاح ومعجب وحاكم وابو طايـل سعـود***مديرهم بندر ليـا قالـوا يابنـدر قـال هـاه
الاربعه بندر موصيهم علـى حفـظ العهـود**والمرشدي وصاه هايف لاكن اهمل في الوصاه
تقدم لك حاكم الغنامي ورد عليك رد وبعدها استاذن
فقلت انت هذا الكلام
انا طلبت بندر وعلّق على المحاوره حاكم على ان بندر بيجي
يرد بعدين رجع حاكم وقال بندر مشغول ورد رد واحد ولاعاد شفته
وفعلا" قلتله الكلام هذا وبيّن لي الرجل وجهة نظره وانتهى الموضوع
ومره أخرى طلبت الكبتن وقلت له هذه البيتين
ياسلام الله سلام(ن) مايجي في غير موضع **موضعه عند الرجال اللي تفيـد ومستفيـده
انت ياكبتن مناحي راعي الباص المقربـع **مايسرك لـو تسوقـه للمسافـات البعيـده
ولكن لم يرد عليك الكبتن لا اعلم ماهو السبب
ولكن قلت هذا الكلام
الكبتن دخل على البدعه مرتين او ثلاثه وتوقعت انه بيرد
ولا رد ماهو تفسيرك يابو فايح ؟؟
انا اعرف اللي مشغول يرد في نفس الصفحه ويعتذر
وهذا لم يحصل من كبتنكم
الزبده
شاعر وكان عنده شغل وماكمل وهذا الشي يحصل دائما في ساحات النت ليش غضبت وقلت هذا الكلام ؟؟؟
يعني الواحد يلعب وهو ساكت ولا مع السلامه صح
هو ماخرب المنتدى الا الفكر هذا
طيب لو انه ابو لمار مارد على الكبتن كنت بتقول الكلام هذا
يابو فايح عجبي 
وشاعر اخر لم يرد عليك لاي سبب لماذا تتهمه بالغرور وتطلب منه الحق ؟؟ الم تسمع بمقولة عز نفسك تجدها ؟؟؟
انت شايف اني اهنت نفسي يوم عاتبتهم
الظاهر الحقوق بتجي عليك يابو فايح انتبه لنفسك :d
يقول لك العمده :
يابو لمار انته دهنت السير لين السير سار***وان كان ما سويت هذيه مسـوي غيرهـا
اتهام من العمده انك حصلت على الوسام بالواسطه !!!
هل هذا صحيح ؟؟؟
اسأل العمده انا حصلت عليه بالواسطه
وماردك على من يقولون ان شاعرين من شعراء النخبه توسطوا لابو لمار ليعطى الوسام ؟؟؟
ناقدين وليسا شاعرين
ابوفايح ؛؛ وحي العقل
شاعر قديم اسمه ذياب العصيمي كان صديق لك وترشده وتشجعه (وتحرشه ) بالعاميه على بعض الطواريق (التي طرد بسببها ) لماذا ؟؟
انا اتحداك اذا تجيب طاروق لعبته مع ذياب وطرد من المنتدى بسببه ؛ واذا كنت تقصد انني احرّضه فكل انسان يابوفايح
له طريقه في التعامل مع الآخرين وماتقدر تملي على احد شي
حتى لو كان اخوك
وبالمناسبه انا اكتشفت الآن انك انت من يثير المشاكل والنعرات
القبليه في المنتدى ومواضيعك خير شاهد على ذلك
ربما يكون لي عوده |
مرحبا بك للمره الثانيه يابو فايح
مابعد جيت بالمفيد هههههه
الثالثه ثابته ان شاء الله
اتمنى عودتك
تحيتي لكآخر تعديل ابو لمار يوم 04-Nov-2009 في 08:37 PM.