[بدر الكريزي]

محمد بن سميّر

سلام ردة سليمه من ضمير سليم=تسلمية يسكن المسلم تحت ضلها
يالشاعر اللي مع الشعار عقلك فهيم=الطيبه هاتها والثانيه خلها

محمد بن رشيد

يا مرحبا من ضمير الشاعر المستقيم=ترحيب يسوى تراحيب العرب كلها
ما توجد الحكمه الاّ عند رجلٍ حكيم = اللي يميّز دروب الطيب و يدلّها

محمد بن سميّر

دام البقاء وانت رجل بالمعاني كريم= تدفن لك الناس بالمعناء وتدفن لها
والله هو اللي عطاء الحكمه بخلقه رحيم=وانا ادري انك سبور القوم صاحن لها

محمد بن رشيد

انا الخصيم العنيد اللي يضد الخصيم = اجرد سيوفي على العدوان واسلها
احد ٍ يعيش بشقى و أحدٍ يعيش بنعـــيــــــم=و أنته ما يحتاج تفهمها و تفطن لها

محمد بن سميّر

وانا تراني على العداون نار(ن) جحيم=أجرد سيوفي على العداون واحتلّها
ان كان صليت وسط القدس فأنت الزعيم=قل للعرب يالعتيبي كلها قلّها

محمد بن رشيد

في حاضر الوقت ولاّ فالزمان القديم ؟؟؟=كلمتك هذي عساك تكون كفوٍ لها
صلّيت ما بين زمزم و الحجر و الحطيم=لكنّ صلّ الفروض الفايته صلّها !!!

محمد بن سميّر

ذا النون في الحوت راح بوسط بحر(ن) ضليم=فتش بطون المعاني كان تفطن لها
والمزن هلّ المطر والسيل جاله وشيم=يبى يمرّ الخيام البيض ويتلّها

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.