بسم الله الرحمن الرحيم
مم قال الراحل فيصل الرياحي اسكنه الله فسيح جناته
ياخويي جعـل رحلتـك مامونـه=وش عطتك أم العنا مـن تجاربهـا
والله إني معـك والنفـس مفتونـه=فتنـةٍ مانتـه بعـارف سبايبـهـا
دك في صدري هواجيس مجنونـه=ياوجـودي يـوم هبـت هبايبهـا
مير خل الجيب يمشي على هونـه=أتفـرج فالـديـار ومضاربـهـا
زين بعد العصر لفـة دركسونـه=للديـار اللـي وسـاعٍ مناكبـهـا
والمسـا فـي جـال وادٍ تحبونـه=علتـه غـر المـزون بسحايبهـا
له سنه وأهـل الدبـش مايطبونـه=ماتوطـتـه النعـيـم بكوالبـهـا
زاف عشبه والشجر مالت إغصونه=تلعـب طيـوره وقلبـي يلاعبهـا
خاطري مرتاح والنفـس ممنونـه=ماتعاتبنـي همـومـي وأعاتبـهـا
أتسلـى والمقـاديـر مضمـونـه=ماكتـب للـروح لابـد صايبـهـا
ياخويي خـل الأشغـال مركونـه=لاتذكـر وش ظروفـك وتحسبهـا
المشاغل تشغـل الفكـر وتخونـه=عاقبتـنـي قبـلـك الله يعاقبـهـا
ودنـي رجـمٍ تولعـت بركونـه=منـوةٍ للقلـب والعيـن يذهبـهـا
شامخٍ هام أسود الريش من دونـه=والذيابـه فيـه نلقـى ملاعبـهـا
ليا بديتـه هاجسـي عـد طبلونـه=وحاضـر الأبيـات نـادا لغايبهـا
تزدحم في خافـقٍ جـاب مكنونـه=والله مايمدينـي أكتـب وأرتبـهـا
أستهيض و تنطلق كـل مسجونـه=ويتوسع خاطري يوم أهيـض بهـا
قمة المبدا مـن الجـن مسكونـه=وإنشـد اللـي ياخويـي مجربهـا
رحمك الله ابا بدر