عبدالله الاصعر
تعال وسمع ياخليفة شليويح=ياصاحبي عبدالمجيد العطاوي
والله لو تقوم فالدرب وتطيح=ياللي تمنى ماتفيد المناوي
عبدالمجيد العطاوي
عساك سالم يابعيد المشاويح=لو اعرفك ركّبت فيك العراوي
انا لها طحطوح وانته طحيطيح=لاصرت بلوة تعتريك البلاوي
عبدالله الاصعر
يامل قلب عانق الفطّر الفيح=من قالها لن كنت شاعر وراوي
لوني اجيبك واشرّحك تشريح=مانته بمثله ياقريب الهقاوي
عبدالمجيد العطاوي
هذاه بيتٍ مايبى اي توضيح=انشد علي لن كنت فالبيت غاوي
روحّت عن مقصدك عساك بالريح=وانا احسبنّك للمطاريش ناوي
عبدالله الاصعر
انته عنه يمكن نشدّت الشلاويح=وانا عن اهل العرف دايم غناوي
بالله ياصحاب القلوب المجاريح=حنا مانبلش في جميع الدعاوي