العين من طول الليالي سهيره = جاها بـلاها من صواديف الايام
شفنا وعفنا من ليالي مريره = ناسً لها اطباعن تفرع ليا آقسام
فيهم كبير الرآي كلاً يشيره = له صولتن بالوقت ماضيلها أعوام
والبعض لاشاهد جموعاً كبيره = يسطع كما حراً مع الجو لاحام
ياصل مواصيلاً لغيره عسيره = ويشبع نسوراً بالسماء دوم حيام
وفيهم وسيع البال يتبع مسيره = مزاح بالمجلس سنافي ليا قام
وفيهم حنون الأم راضي بخيره = حنون للوالد وللمخطي أخطام
وبعض العرب ميسور حاله ستيره = مـا يبدي الزله ولا يجالس أخمام
وبعض العرب عينه لقمة خشيره = حسود طماعاً به النقص لودام
وبعض العرب يمسي ويصبح بديره = يتبع هوا قلبه وعايش بالآحلام
وبعض العرب نمام تسمع هديره = ماله سوى مهنة منافق ونمام
وبعض العرب كل العجايز تديره = يقفي ويقبل بينهنه ومخدام
آبــا أختصرها والمعاني كثيره = ومصير هالعالم على الفرش نيام