رفيع المنزل=
تطري ببالي علوم ٍ من زمـان قديـم=والليله الله جمعني بالعصيمـي سعـد
لو مات مستور من يقدر يضد الخصيم=مادام ماله خليفه بينكم مـن بعـد !!
سعد العصيمي=
الريح ساقت مزون الوسم والله كريـم=يالله عسى برقها يسبق حنين الرعـد
ياجعل راسك قبل راسه .. وحنا عصيم=اللي جهلنا ضعيف ان قـام ولا قعـد
رفيع المنزل=
اصعد براس النبا من شان تبقى سليم=المزن ينقل سيول ٍ ماتجي من صعـد
العارفه عارفه ماهو بمثـل الغشيـم=لاينقل السيف رجال ٍ يـده ترتعـد!!
سعد العصيمي=
اثرك تحسب البشر في كل وادي تهيم=اتعاين بعين طبعك ياضعيـف الجهـد
أخر زمن عصمة الرجال عند الحريم=وشلون ماتنفخ البومه ياطير السعد !!
رفيع المنزل=
انا ادري ان القصيمي مغرم ٍ بالقصيم=لكن ترى كل شعب ٍ فالوطن له بلـد
المشكله واحد ٍ جـده طريقـه قويـم=وهو احتدى للطريق الملتوي وابتعـد
سعد العصيمي=
اتثور ماشفتها وتجيبهـا فالصميـم=ولا عرفنا ديـارك ويـن ياهالولـد
جدي وابويه وانا في دربنا المستقيم=والا انت صفر بشمال ولا تزيد العدد
رفيع المنزل=
جمهور الاصفر يحاول حط قدر الزعيم=والاصفر اليا تلاقوا بالملاعـب بـرد
ان شدوا الناس تبقى يالعصيمي مقيـم=وشلون حطوك طير ٍ من طيور الهدد!!
سعد العصيمي=
اصنيج من عيَنه مندوب شركـة طريـم=اهرج معه مار ماعينت فالحمض احد ..!!
بقول ماشفتها .. والعن بليـس الرجيـم=مافيه مخلـوق فـوق الارض ماينحسـد
رفيع المنزل=
لقيت مري بقص الدرب ماهو فهيم=واصبح يقدم لنا حجه بليـا سنـد
مايحسدك ياطويل العمر غير السقيم=والبيت يبغى يطيح ولاتشيله عمـد
سعد العصيمي=
ان علقت فالسما وان وقعت سيم سيـم=عينك مسيطر علاها النوم مدرى الرمد
مافيه غيـرك سقيـمً مانعـده خصيـم=مشذوب عرقوب غض جنوب مكسور يد
سعد العصيمي
ياجعل راسك قبل راسه .. وحنا عصيم
اللي جهلنا ضعيف ان قـام ولا قعـد
ياسلالام
عليك يابو مطر
نقض من الدرجه الاولى
رفيع المنزل
المشكله واحد ٍ جده طريقـه قويـم
وهو احتدى للطريق الملتوي وابتعـد
سعد العصيمي
جدي وابويه وانا في دربنا المستقيم
والا انت صفر بشمال ولا تزيد العدد
رفيع المنزل
مايحسدك ياطويل العمر غير السقيم
والبيت يبغى يطيح ولاتشيله عمـد
سعد العصيمي
مافيه غيـرك سقيـمً مانعـده خصيـم
مشذوب عرقوب غض جنوب مكسور يد
هذا والله اللعب الكااايف
والقاااف حامي الوطيس
رفيع المنزل
شاعر راائع
و مبدع مبدع
صح لسااانك
سعد العصيمي
وش اقول فيك
بحر
هائج بالاموااج
يغرق السباااح
صح لساااانك ملياااار
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|