[محمد بن غازي]

المشاركة الأصلية كتبت بواسطة فيصل المسعودي

هذه القصيدة للشاعر/ عايد بن شباط المشعبي السبيعي في جاره العقيد/ منيف بن زيد المسعودي النفيعي.

اليا نصيت أنصى بعيد الهقاوي=اللي قصيره رافعٍ هامته فوق
سلام يا أبو زيد راع النخاوي=سلامٍ أحلى من لبن شمخ النوق
حرن على الطالات والطيب قاوي=تنشر له البيضاء مع كل مخلوق
لك فزعةٍ من كل همٍ تداوي=اليا اصطفق من عج الأيام صافوق
فزعتك يالحر العديم النداوي=يومٍ غيرك فزعته مالها ذوق
يانادرٍ لا صاع عطب المهاوي=ترف له بيض النواميس والتوق
يجزع ويبتع وإن بتع مايراوي=رجله على مرقا العلا ساقها سوق
يرهي ولا يلحق عليه الرهاوي=حرن على الطالات ماهوب مسبوق
ويوم أمدحك قلبي لمدحك نحاوي=ومدايحن في غيركم مالها سوق
ومن عد فيك الطيب ماهوب غاوي=طيبٍ على الجدان ماهوب ملحوق
لك عزوةٍ فالحرب ماهيب تاوي=سلاتهم من أحمر الدم مسفوق
ألاد النفيعي طيبين العزاوي=تاريخهم في قمة المجد من فوق
أهل الكرم ويزبنون الجلاوي=ودخيلهم يامن من الغدر والبوق
يقولها اللي فالمعاني قصاوي=يختار طيبها على كل طاروق
وختامها عود أزرق وطيب جاوي=يغش الوجيه اللي لها يطرب الشوق
وصلاة ربي عد ماخط راوي=على النبي اللي من النار معتوق

صح لسان الشاعر القدير/ عايد السبيعي قصيده جزله ومعبره عن مواقف الرجال وتقديرها ... والناس شهود الله في أرضه ... وبيض الله وجه سعادة العقيد/ منيف المسعودي قائد أمن المنشآت في منطقة الأحساء ... والطيب لايستغرب منه فقد ذاع صيته بالعلم الغانم ... نسأل الله له التوفيق وعقبال الرتب العليا لأبو فيصل ....

ومشكور يافيصل على النقل الموفق ....