[ابن صنهوت]

بسم الله الرحمن الرحيم

اضع بين ايديكم هذه الابيات اتمنى ان تحوز على رضاكم

ياسعود دنيانا تلقنا دروس=يدري بها من لاقرى ولا كتب
دنيا تجارب والتجارب بالفلوس=احيان تشرى يا صحيبي بالذهب
من عاش فالدنيا وله عقل يقوس=جميع ما يحصل بها شاف العجب
الواقع الملموس بالعقل محسوس=وقتن تغير يابن عاضي وانقلب
الذيب فيه يخاف من بطش البسوس=واللاش فيه اليوم صار اطلق شنب
والخوه اصبح حبها مليان سوس=محدن يقدرها وخلوها مطب
وحنا تربينا على العز وندوس=روس الافاعي ما نحسب للذنب
ننضر لفوق ولا نطالع للنجوس=اللي مكانتهم تجي تحت الركب
على سلوم جدودنا كب الهيوس=اللي تخلوا عن تقاليد العرب
ويا سعود لا تمزح مع اضعاف النفوس=اهل الصدور الي تضيق بلا سبب

وسلامتكم

آخر تعديل ابن صنهوت يوم 29-Oct-2009 في 09:32 AM.