المشاركه الثانيه بمسابقة سلامة سلطان ومرافقة الامير سلمان
مرحبابـك ياقصيـدي جمّـل القافيه=في مقام اللي لهم منـا الولآوالطاعـه
مرحبابـك مرحبـا ترحيبـة مثنـيـه=ياموردهـا رهـى جـمٍ بعيـد القاعـه
للمقامـات الرفيعـه عطنـي المنقيـه=ماذخرتك غير للميقاف مـ/انت ابضاعه
ماشريتك بالريـال ولا طـرف عاريـه=افتخربك في جناب اللي طويل ذراعـه
فيـك ياميـر الكـرم قافيتـي عفويـه=شوفتك تجلا عن القلب العليل اوجاعـه
ياطويل العمر منـي دام روحـي حيـه=لجعل ابياتي يابو خالد حديث الساعـه
المشاعر والفـرح والباقـه الورديـه=من قصيده محتواها في الضمير وداعه
من ينابع الخفـوف ودمعـتٍ عبريـه=يامعين تسرّ عينن في حرى مرجاعـه
وان ذكرت اللي لهم في المرجله ماريه=مانسيت اللي على رجم الوفا ميقاعـه
شيخ نجد ابن الامام وراعي الدرعيـه=ذاك ابن عبد العزيز الحرّ في مطلاعـه
سيدي سلمان يستاهـل غـلا وتحيّـه=خوته يشهدلها العاقل وحلـو أطباعـه
في لزومه ماتحرى الدعـوه الرسميـه=دون سلطان المكارم ماأهتنى مهجاعـه
لاغرابه من سمـوّ معشّـي الطرقيـه=كيف ما اسوق المثايل بالفخر لسناعـه
والقصيـده والتحيـه بالـولآ مبنيـه=من ورى عوج الحنايا جوهره لماعـه