قصيدة مرثية في الشيخ / سعيد بن نجم بن عيد الذيابي العتيبي رحمة اللة
ياسعود ذكرة باقي حي مامات=لوقالوا ان سعيد ابن نجم ماتي
والتعزية منا لكل القرابات=في النادر اللي يكسب الطايلاتي
راع الوفا ستر البني العفيفات=حرن مكانه عالي النايفاتي
لضيوف بيتة مايحسب الخسارات=راع الكرم والطيب حسن الصفاتي
قرمن فهيم ويرتكي للثقيلات=راعي علومن نادرة وافياتي
منصا الذي لاعة من الوقت لوعات=يشكي من ظروف الدهر والحياتي
رجلن حكيم وقايدن للمهمات=حلال للصعبات والمعضلاتي
بالصلح يسعى دوم بين الجماعات=ويحرص علي لم الشمل والشتاتي
ماهو من اللي يقدحون الشرارات=سود الوجيه أهل الردا والشماتي
من روس قومن يكسبون الصعيبات=ألاد ذايب مرهبين العداتي
وياسعود لو الدمع قد رد الأموات=هليت دمعي لويسبب وفاتي
والموت مايعطي البنادم انذارات=ومايكتبه ربك علي العبد ياتي
ماعندنا تحصين منة وضمانات=ولايمنعة ظبيب ومعالجاتي
لة ساعتن لابد تاتي ليا جات=في ساعتن لاجات ياسعود تاتي
مامور بامراللة بديع السموات=الواحد اللي يعلم الخافياتي
ليته تشيم عن رجال المروات=وأخذ بدلهم من خدوش الرعاتي
ويالله يامحي العظام الرميمات=يامنزل الأحقاف والذاريات
تجعل مقره في نعيم وملذات=يلوذ فيها من عذاب المماتي
وفي جنة الفردوس بأعلى الدرجات=ياربنا ياوالي الكائناتي
ياالواحد المعبود رب السموات=اقبل دعانا يامجيب الدعاتي
وختامها عداد فرض الصلوات=واعداد من كبر واقام الصلاتي
صلوا علي الهادي رفيع المقامات=شفيعنا يوم الاوادم عراتي
الشاعر/ مبارك سعد السميري