عبدالمجيد العطاوي
ياعلي فكّ العصيمي لي معه قصّة طويلة=نبتديها بالتحيّة ,, والله اعلم بالختامي
لي عليه حقوق ضاعت بين يوم وبين ليلة=واصبحت بيني وبينه حدّها حدّ الحسامي
سعود العصيمي
العصيمي ماهو ابمربوط ياعابر سبيله = مرحبا ترحيب تروابه ويروي كل ظامي.
ماخبرنا شي وانكان لك شي احضر دليله= النجوم العالية ماقط غطاها العسامي.
عبدالمجيد العطاوي
مانقول الاّ بعيرٍ لا بغى حمله يشيله=ماكسب غير الحشيمة والحشيمة للحشامي
الله اكبر يالعصيمي مالها ايّامٍ قليلة=يوم اقوللك الرعيّة ياسعود مع الحرامي
سعود العصيمي
ماعليكم زود ياهل القود واصحاب الفضيله = والكرم لاهل الكرم وانته كريم من الكرامي.
الحلال اللي ماهوب إنّا عسى ماله عقيله= والحرامي له جزاه من الشريعه والنظامي
عبدالمجيد العطاوي
خلّنا في علمنا والحدّ الاقصى لا تجي له=ثمّ تلعن طرقةٍ جابتك لي بين الانامي
تركة الواجب على الرجّال سمّوها (فشيلة)=وانت رجّالٍ تفرّق فالحلال وفالحرامي
سعود العصيمي
بعد اكلت اللقمه اللي طعمها من حنضليلة = لاتعرضني وانا راع الاشده والحزامي.
من ترك واجبه يوم الواجبه حمله يشيله = والله اني محتزم به فالقسى دون الجهامي
ابو سلطان
صح بدنك ولاهنت على التنسيق
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|