علي فلاح العضياني
علي فلاح العضيانيّ يدوّر سعود=يمشي مع عتيبه الهيلا و ينشد عنه
العام مثل الجمل و اليوم مثل القعود=اللي مع الزمل يسحب فوق الارض إرسنه
سعود العصيمي
سعود اله بين روس اهل المعالي وجود = لكن علي العضياني قليل حسنه.
العازمي عيد قال انك ماترقى سنود = والظاهر انك مجنب سكة الميمنه
علي فلاح العضياني
أنته كما الشهر ينقص غالباً ... ما يزود=غايب و موجود ننشد عنه من عيّنه ,,,,
المعرفه للمعالي مثل كرت الصعود=و اللي سواتك كلامه ما عليّه منه !!!
سعود العصيمي
انا جبل مايهزه ياولد روق نود = ان غبيت في لازمي وان جيت علي امهنه.
المعرفة كنز مارالعلم ماله حدود = والحرب من طب ابه لابد من يطعنه.
علي فلاح العضياني
يا راعي الحجه اللي ما عليها شهود=المدّعي واجب إنّه يحضر البيّنه !!!
لو هاش قلب الشجيع يخاف قلب الشرود=ياللي نهايتك صارت ( سالفه محزنه !!!! )
سعود العصيمي
راجع وش اتقول ثم رد الخبر للفهود =والعاقل اللي كلامه يازنه يازنه.!!!
اللي يعرف الصوادر مابلش فالورود = كلا يغني مع الثاني بقيس الحنه.
علي فلاح العضياني
الميّت ,,, المفترض يدفن بوسط اللحود=اللي يحفر القبر ... و اللي يجيب كفنه !!!
يا سعود كلاً بمقدوره و جوده يجود=على مدرا الفصول الاربعه فالسّنه !!!!
سعود العصيمي
المسلم االلي طبوعه من طبوع اليهود=ياعلي ياصاحبي لو غـاب لاتامنـه.
لكن حافظ وخلـك منتبـه للحـدود=والطيب اللي بفعلـه حامـيٍ موطنـه !!!!
معجب
لاهنت
يابو سلطااان
على التنسيق
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|