بعد التحية والاحترام أهدي لكم هذة القصيدة
يالله إني في ذراك اليـــوم يــارب البــريـه \\\ يــا منجــي عبــدك المظلــوم يـومنــه لجاله
أسألك في دنيتــي حالــي لاتجعلهــا بليـــه \\\ يـــاالعظيم اللي ماغيره واحداً وجهه نساله
اطلبك نطــق الشهــادة لادنــى يــوم المنيه \\\ والأمــل في جنتــك يـارب لاتقطــــع وصاله
والحقيقــة في حياتــي مــاعشقت الأدميــه \\\ عايشـاً مرتاح قلبـــي والهــوا ماقــد طراله
عايشً واخذ من الصحراء نسايمهـا العذيه \\\ واتسمع لا حكوا بالوسم وابحث عن اخياله
واتفكــر فالغــزل لكن مــاف القلـب شـيـــه \\\ وتعجب..! يـوم قالوا من عشق عزي لحاله
والمصيبه حين قلبــي صادفـه ذيك البنيــه \\\ أخطفت قلبــي وحطــت أسمـهـا والله بداله
ارتميـت بكل ثقلــي وكل أساليبــي جـريــه \\\ يـــم مــن تشبـه قمــرنــا لاتجلـــى بكتماله
قالت: أصبــر والليالـي بيننــا والله مـديــه \\\ والغلط مــردود وأحـــذر يمنا تفتـــح مجاله
واعرف أن أهلي بدو مايقبلون أدنى خطيه \\\ لايغــرك فـي زمــانـك قلـب وضــح لك دلاله
قلت: والله عاشقــك يـابنت والغايــة نقيـــه \\\ مكتسب قلبـي شهامه من عمام ومن خواله
أبدوي الأصل وافي وأمتلـى قلبــي حميـــه \\\ من قبيلــة فعلهــا مـاهوب صفحات ومقاله
وجدي اللي طاب ذكره ولاتبي هذي وصيه \\\ الله أكبــــر كــم رجــلاً كل مـاضـــاقت عناله
عنده البل محتميها ونار بيت العــــز حيـــه \\\ وفوق نــاره دلة الــرسلان ورموز الاصاله
ولظيوف يقــول أهــــلاً قـولتن والله مليــه \\\ يذبح الكبش السمين وذي تراها من خصاله
قاطعتنــي ثـم قالت مـاخفـى بــالـي خفـيــه \\\ أعــرفــك والقلـب يمـك يــا0000 ذي مناله
قلت أنتي من شبابه ولا قولــي لي جهنيــه \\\ والصــراحه هقــوتي يابنت والله لمن هقاله
قالت أنا مـن 00000 والحقيقـه لك وفيــه \\\ مــن رجـــالاً وافيــــه ولـلــه يـا0000 كماله
من بدو واعرف ترى والله ماعشت حضريه \\\ بنت عــوداً فـي نهـــار الحــرب يفدونه عياله
قلت ليتك تسمعيني ليــن أكمـل يا اجــــوديه \\\ لايغـــرك من نصــب عمــــره ونكس لك عقاله
والغـــلأ يـابنـت والله ماتجـــي منـه الأذيـــه \\\ ومن عشق من قلب والله ماتجي منه الرذاله
والهواء دربين لرواحــاً خلقهــا الله بـريــه \\\ الصحيــح يمين دايــم والخطـــاء خلـه شماله
والنهـــايــة كلمــة أحبــك تــراهــا واقعـيــه \\\ ومن عشقنـا نعشقه وان راح أبلقى لي بداله
0
وســــــــــــــلامتـــــــــــــــــــكــــــــم 000