[ولدعساف]

هذه القصيدة للشاعر راجح بن مشبب المقاطي العتيبي مرسلها للشاعر مدله بن عبدالهادي الضميان الجذع العتيبي

ياهل الصندوق ماتعطون راجح ربطـه=من فئة خمس الميه لو كل يوم يرابـط
والله انه لو يحط فلوسكم تحـت ابطـه=مايقلـد بالاميـر ولايحـاك الضابـط
والله انه مايحسد الراجحـي ويغبطـه=لا ولايمسي لميلان العويضـه غابـط
الشتاء يهل المعرفـه ماتحمـل شبطـه=زال مخبايه لصدري من خواه ملابـط
ياجري علم مدله فالحسـاب وضبطـه=وافرزوا لي فرزةٍ تقضي لزوم الهابـط
والمدير ان كان عارض فالعروق نعبطه=لين نقطع من عطالله كل عـرقٍ نابـط
وضحوي نرميه ومبارك مغير انخبطه=كان جانا مع عـطالله باليديـن يخابـط
خلوا اخوكم يعدل اوضاعه المختبطـه=والتوالي عند من بيديه نصـر الثابـط

وهذا رد الشاعر مدله الضميان على الشاعر راجح المقاطي

كان صابك من همومك يالمقاطـي حبطـه=كم واحد مـن همومـه والزمـن متحابـط
ولو ربطت الحض مع غيرك صعيباً ربطه=لو ربطته مع حضوض النـاس مايترابـط
وانت لو نعطيك ياراجح ماهـي منزبطـه=لو ملكت اللي ملك هـارون منـت بزابـط
وان تحقـق حلمكـم يبـا يصيبـك غبطـه=تاتضلي في مطار الشرق الاوسـط هابـط
وان تحقـق تاضلـي كـل سـوق تهبطـه=وكـل مامريـت زولاً تاتـقـوم تشـابـط
وبعض الامه لو تنبط منـت قـاواً نبطـه=لونبطت اشخاص بعض اشخاص منت بنابط
ليلاً اضلـم مانميـز عقربـه مـن شبطـه=والنجوم الساريـه محـد لعددهـا ضابـط
علـم الجيـل الجديـد ولايصيبـه هبطـه=من سببكـم ثـم تصيـر القـدوه المتعابـط

[/quote]

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

آخر تعديل ولدعساف يوم 17-Oct-2009 في 07:37 AM.