[ولدعساف]

(( حنا ترا الجذعان ))

نويت اعلم جاهلن ماعرفنا = حنا ترى الجذعان من راس رجال
كم واحدن يجفل الى اونس صلفنا = ونطرح زعيم القوم لو كان خيال
وكم واحدن يدله الى جا طرفنا = ننقل حموله لو عسيرات و ثقال
عمودنا الزربان غايت هدفنا = هم عزنا لى مال جالن على جال
هم راينا عن رايهم ما نحرفنا = ولا خير في رجلن يجي رايه الحال
هم رينا لى بان فينا عطشنا = نشرب غزير الجم ما نشرب احثال
ناصر على درب المراجل عسفنا = ولد مناحي مانبي فيه الابدال
الى عمست الاريا لناصر نكفنا = نجي حدر كمه عن البرد وظلال
سود الليالي بالقديم ابلغتنا = ضياغمن ماضلها مجد وفعال
ناطى القبايل لينها وا لفتنا = في ظل سيف معربت منسب الخال
قال ابن هاجد عقب بالعين شفنا = مدهالنا واحد ولا غير مدهال
عدواننا يابو بدر رافقتنا = ناسن تجيب الهرج من دون مرسال
ناسن تجيب الهرج لين ازعلتنا = والله يلعن راعي القيل والقال
اهل النميمه بالكلام ابتلتنا = لو نازنه ماله ثقل ربع مثقال
يامحمد الغزاي حنا وقفنا = مواقفن يطرب لها كل رجال
حنا على اللازم ترى مانحرفنا = يشهد لنا التاريخ من ماض الاجيال
صافن صفانا مايبين عدفنا = ورجالنا يسوى ثمانين رجال
وحنا بحق الطيبين اعترفنا = نبذله المجهود في كل الاحوال
الى قضينا اللازمه ونصرفنا = معاد همتنا مجمعت الاقوال
نويت اعلم جاهلن ماعرفنا = حنا ترى الجذعان من راس رجال

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها