سعود البرقاوي
يامرحبا رده تحوز من الرجال اللي تحوز= واللي تحوزه ماله الا كلمة في خاطري
ياعقاب علّم بالصحيح انته من ايات العنوز=حنا اختلفنا فيك بين الدهمشي والجعفري
عقاب العنزي
دام البقا يااصحابنا والطيب والخبث محجوز = الاوله قسمي لكن الثانيه منها بري
اما كذا ولا كذا رمز ٍ من اكبار الرموز = لكن وين ابضاعتك ياللي تبيع وتشتري
سعود البرقاوي
عزالله اني مابغيت تصير رجال مهزوز = لكن خلك عبقري ويجيك واحد عبقري
ياللي تقول ان الولد وجهه مثل وجه العجوز = حسبي عليك آثرك ظالم للوجيه ومفتري
عقاب العنزي
انته تحاول من سنه تسلك مداخيل البروز = لكن رماك الحظ بين النابغه والبحتري
العالم الله تاكل الويلان راعين الكنوز = من بعد ماجالك رقم بالترقيه ياعسكري
سعود البرقاوي
ياوراد الطرطوس في سوق اللكازس والبنوز = ماعاد تسوى لك ريال آقولها وآنا جري
لاعاد تمزح بالكلام اللي يجوز ولايجوز = ياعقاب وش حيلتك لو يطلع نكير ومنكري
عقاب العنزي
لو كنت في وصفك مامدولي عتيبه ثمر جوز = يااخوان بدوه كيف ينقدني من الناس حضري
حنا عطيناك التذاكر وانت ضيعت الحجوز = لاضاق بالك قمت يالطيّب تهوش وتفتري