[ابو فايح]

شاعرنا القدير عيد العازمي ,,,,شاعر غني عن التعريف ,,,,,, شاعر يطرب متذوق الشعر الحقيقي ,,,, شاعر يتميز باختيار اجمل واقوى تركيب للابيات ,,,, شاعر يتميز بتنوع الحان طواريقه واعتقد انه يتعمد ذلك لاطراب المتابع .

عده اسئله ربما اعود بعدها وربما لا اعود واتمنى ان لا تثقل على ضيفنا العزيز


1/ في احد محاورتك مع فواز السعيدي قلت هذا البيت :

العتيبي والهذيلي مارضو باسم الغليبـه=مار حنا معتلين المجد لو فيهـا خيانـه

الا ترى انه لو اراد الخصم قلب هذا البيت عليك لا استطاع وبسهوله والسبب الكلمتين الاخيره من البيت ؟؟؟


2/ في احد محاوراتك مع سلطان الجذع قلت هذا البيتين

قررت اغادر منتدانا وادخل الساحـه=ابا واحد من الجذعان للساحـه يخاوينـي
ترى ماهيب صعبه بس شخصيه ومسباحه=وادوّر واسطه لاجيت فالحفلـه ينادينـي

هل تعتبر ما قلت في الابيات وصف صحيح ودقيق لمن ارد ان يتجه للساحه حاليا ؟؟؟



3/ في احد محاورات مع فواز السعيدي قلت

اللي يمدّك باشتراك عيونه الثنتين عور=لكن يمكن يقطع الفرجه ولو هي مظلمه!!

فرد عليك :

انته عميلك ماله الاّ عين وحـده ومخبـور=وانته رضيت توظّفه جزّار جوف الملحمه !!

ثم قلت له :

ياراعي القدر المروكن غير عن كل القدور=حطّه على صلو الجمر ونحطّلك فيه لحمه!!

وبعد ليل طويل دخلت في المعنى وحجتك زيادة الحضور :

نبا نحوّل عنك معنانا بعـد زاد الحضـور=القاف شدّه دام عندك للمعانـي ترجمـه!!
يوم البطون اتشيل مكنون الترايب والظهور=وين الحَلي اللي لعبدالله يتاحـي لغنمـه!!

هل استخدمت تلك البدايه لجذب الجمهور ؟؟؟
الا ترى ان انتهجت اسلوب مختلف لما هو معتاد ان يبدأ الطاروق بمعنى ثم في نهايته يتجه الشاعرين الا المقالب الشعريه ؟؟





4/ في احد محاوراتك مع صاهووود قلت هذا البيت

انت صانع مجد واضح من عصور الاولينـا=يعلم الله مانجامل مـن يضيعـون القوايـل!!

فرد عليك قائلا

وانت راعي حرب بين وامدحوك الغانمينـا=ويشهد اللة مانحب اللي يحبـون المحايـل

بكل صراحه لو قرأت البيتين وانت لا تعلم اصحابها هل ترى ان الناقض احسن النقض او لا ؟؟؟


5/في احد محاوراتك مع العمده قلت هذا البيت

عيون الروقه الظاهر تـزل الروقـي المستـور= وطلحه تتّهم مزحـم ,,ومزحـم تتهـم طلحـه!!

بكل صراحه هل ترى انك اوصلت ما تريد لخصمك خلال هذا البيت ؟؟؟
وبكل صراحه هل ترى ان خصمك عرف ماذا تريد ؟؟؟

ولا انسى ان اشكر ناقدنا المبدع وحي العقل على هذه الاستضافه الرائعه

التوقيع

عالم تويتر abofayeh@