سعود البرقاوي
ياذيب عروا لا توقف فالطريق=يا اما تقدم قدم والا ارجع ورى
قدام ادقك دق وآشوفك دقيق =واقرى عليك الفاتحة والم ترى
ّديب عروا
ياسعود انا عدك من الروح ورفيق= لاتشعم النيران واحطك ذرا
محدن سمع له خيط يامر له فريق=ابعتبرها مزح واربوعك ترا
سعود البرقاوي
اللي غرق وسط البحر يصبح غريق=ويصير مثل الدلو مقطوع العرى
البارحة شفناك نازل في بقيق=واليوم في مهد الذهب وام القرى
ّديب عروا
عانه نجا ويطيق شين ماتطيق=ابرك من اللي تعبه طول السرا
البارحه واليوم فجيت المضيق=رد البرا لاتظلمه رد البرا
سعود البرقاوي
حذفة قصير الكف ماتطرح طويق=حتى لو انه شال سيف وخنجرى
ياعزتي للي مايلقى له صديق =يبقى لحاله بين بيع ومشترى
ّديب عروا
هذا انت لاحسيت فالاجواد ضيق=تشهد علي ماعن تجهل ماجرا
شفني لحالي مشعل الديره حريق=من ولعت والقوم ماتترك كرا
سعود البرقاوي
لاتلتوي يالذيب في واد العقيق=وتصير مثل ابا الحصين الازهرى
انت لحالك زد شربت من البريق =والله اعلم ويش صار ووش جرى
ّديب عروا
هاذي كبيره منك يا الاصل العريق=الذيب فطبوع الحصاني ماضرا
وحده بوحده والعهد يبقا وثيق=رغم ابتعاد النجم عن سطح الثرا
سعود البرقاوي
ماودنا نقطعك يالسلك الرقيق=واليا قطعنا السلك مانلقى غرى
الجرح الاول من ورى قلبك عميق=والجرح الآخر يالمطيري مابرى
ّديب عروا
والله لولا اللي علي الضلع وايويق=ماتسري امع الذيب لامنه سرا
جيتك مع الغبشه وفضلت الطقيق=يوم الصميل اللي علي الخرج انفرا