[طلال ناشي]

المشاركة الأصلية كتبت بواسطة ابراهيم الزراقي

بسم الله الرحمن الرحيم

السلام عليكم ورحمة الله وبركاته


اخواني الاعضاء



هذه قصيده جديده اتمنى ان تعجبكم




((خاطر المشتاق))

مايضيق خاطر المشتاق ويعكر مزاجه=غير بعد أحباب قلبه والجفاء والمكرهيه
ولا يونس خاطره ويزيد عزمه وأبتهاجه=غير قرب ألي هواهم والوصل والمقدريه
سنة الدنيا كذا والجرح في رجوى علاجه=والحقيقه ضايعة مابين ذاك وبين ذيه
واقع العشاق صعب وفيه ميله وانعواجه=والنفوس أما شقيه فالزمن وألا هنيه
الهوى ليلـ(ن) عتيم وشوفة الغالي سراجه=والتمادي فالقطيعه عله وذنب وخطيه
والعمر قصة غرامٍ بين جرءه وانحراجه=التعاسه مبتداها والنهايه مأسويه
والفرح لو عم كل الناس ماجاله لجاجه=لكن الي فاقده يعرف معانيه الخفيه
واعذاب ألي همومه ماتبشر بأنفراجه=مركمه جوفه لها عامين سودن سرمديه
خافقن حوله زمان الغربله طوق سياجه=ماحصله من عنا وقته طموح ومعنويه
كل ماجرب حضوضه زاد همه وانزعاجه=والزمان اقسى عليه من السيوف الصيرميه
فاقدله شوف غالي وإن طلب فالوقت حاجه=ماطلب غيره لو الدنيا كفوفن حاتميه
فاقدله جادلـ(ن) راحت مع الوقت وعجاجه=ماتوقعها تروح لكن الدنيا دنيه
جادلـ(ن) فيها الجمال اليوسفي قطب حجاجه=مالها بين البنات الي على البيدا حليه
بنت بدو(ن) صيتهم في قمة العليا مراجه=أستروها بالفعول وبالسلوم اليعربيه
الفخر من صغرها لبست سلاسيله وتاجه=والترف من حضها والغطرسه والعنجهيه
لن بغيت أوصف حلاها مالقى شعري خراجه=ماكذب من قال شفت الموت فعيون بدويه
وردة(ن) لو تنبت بعد(ن) تضايق من هماجه=صار حالي من حلاها وأرتوى راع المطيه
مالقيت ألي يشابها مع الورد ونتاجه=لاورود الياسمين ولازهور المزهريه
عذبت قلبن من الضيقه رفع صوت أحتجاجه=ماقدر يصبر على الصده ويتحمل شويه
واكفرت في مسلمن قلبه تعنى من خلاجه =ماجداه الا الونين من الجروح الداخليه
يامناديب الغرام الصمت للعاشق سماجه=والصبر مثل الذهيب مع الرياح الموسميه
علموها القلب ضايق ماحدن سد احتياجه=صارله عامين تايه بين شمس وبين فيه
كان لاهلحين تذكر بخشة الحب وحراجه=تلعن الشيطان وتسوق الجمال العيدهيه
لاتطول فالغاياب ولاتهاب من المواجه=ولاتخلى عن خويـ(ن) ماتخلا عن خويه

الشاعر ...ابراهيم الزراقي

صح أللسانك يابراهيم مدد بلا عدد

قصيدة بعنى القصيدة الحقيقي . أخذتني معهااا من منعطفها الثاني

إن لم تثبت لم يوفا حقهاااا

أصوت بالتثبيت

تحياااااتي

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com