الاولة:- ( ذوي زراااق)
سلاام تسليم الحيا الي كل من شاف يسره
مع دبرة الرحمن خيل من بحوره فوق بره
عسى نهار العيد عايد والزيارة مستمرة
جينا نعايدكم نهار العيد ومن العايــــــدين
................
والثانية والشخص ياهل العرف مايعرف مقره
مخلوق فوق الارض ماسارت رجولة كود مره
ماشافه الا شخص واحد وانقذه عند المضره
ثم انتهى في ساعته سبحان رب العالمــين
الرد
الاولة:- ( ذوي عالي)
يامرحبا بالي حضر فالعيد واسعدنا ممره
الله يحييكم على سلم الوفا مليون مره
عسى نهار العيد عايد والزيارة مستقره
الله يحييكم عساكم كلٍ عامٍ طيبـــيــــن
...........
والثانية
لغزك تراه الكبش رب الناس لبراهيم جره
وانقذ به اسماعيل وابراهيم صابر فوق حره
اكد لنا جبريل جاب العلم لمحمد وشره
والحمد لله يوم صارت سنةٍ للمسلميــــــــــــن