ابن سرحان الثبيتي
ياخلف غرك بيان معمر القذافي = قايد النكبه زعيم الثورة الليبيه
لين ثقلت فالطريق اخطاك وانته حافي = مايفكك من هجير الشمس غار الفيه
ّديب عروا
ياهل الحله وراكم نادوا الاسعافي=الولد ثارت علاه العله المخفيه
افزعوله لايطيّر راسه السيافي=فيته ماظلت العتبان فالشرقيه
ابن سرحان الثبيتي
تحسبنك جيت في كم العباه الدافي = مادريت انا ندوس الداب قبل الحيه
كل يوم اتشيل حملك والسنين اعجافي = سلعة ٍ فالسوق ماتسوى ولا ربيه
ّديب عروا
انت تسألني وأنا جبت الجواب الشافي=كل موتر عندكم يشكي من الصرفيه
امتلحف له كداد ويضحك من الحافي=وان دخل سوق الغلا ردّوه للدرعيه
ابن سرحان الثبيتي
انت في بعض العلوم اغشيم ومتعافي = جبت راسك بين حد السيف والجنبيه
والونيت اللي معك يوم اعترض للسافي =صار في وجهه من اخطوط الشقا ماريه
ّديب عروا
ياولد سرحان مني ماحصلّك كافي=لاتخليني ازيد الك العلاج أشّويه
كيف اباسمّيك وافي ونت منت ابوافي=ماسمعنا أبسيف تثلم راسه الشبريه
ابن سرحان الثبيتي
لـو بغانـا نعلـن التصويـت للعرافـي=ماحصلك ياخلف غير ........... ( 4%)
يامطير اللي لبس له ثوب ماهـو ضافـي=كيف يلبس له .. عقال وغتـره وطاقيـه
ّديب عروا
حكم الويلان وارضا يالعميل الغافي=لاتحكم لي رجالن تسرق العبريـه
واللة انك ماتولع يالسراج الطافي=دام بيب الكهربا ممـدود للغربيـه
ابن سرحان الثبيتي
فعلنا تشهدبه العراف ماهـو خافـي=وانت مثل امطير لا هذي ولا هاذيه
لاه قلبك من عتيبه صار ماهو صافي=كان عاده فيك عزالله .. ماهي فيـه
ّديب عروا
كنت احسب ان الثبيتي فالعلوم اسنافي=وأثره اللي مايعرف أفعولنـا الدوليـه
اشهد ال برقا وروق الا الكلام الهافي=دون حلقي يالثبيتـي لاتلـوم ايديـه
ابن سرحان الثبيتي
مانت قدامي ولكن فالطريق اخلافـي=مار انا بجزاك بالحسنه مكان السيه
ودنا نحماك لو امطير منـك اتعافـي=وقد حمانا في طلال وضيحي الجدعيه
ّديب عروا
منت منصفني واعرفك تكره الانصافي=تدعي فالخير وتكـز المباحـث ليـه
مانبيلك منفعه ليتـك تفـك الحافـي=يوم ابسيوف العبادل طلـق الروقيـه
ابن سرحان الثبيتي
ّديب عروا
لاتحسب العلم الاول مادرابه لافي=المصادر غيّرت بالخلطه السريـه
العتيبي نعرفه من ماضي الاسلافي=سمم أفكار الحضر باحلامه الورديه
ابن سرحااان
فعلنا تشهدبه العراف ماهـو خافـي
وانت مثل امطير لا هذي ولا هاذيه
لاه قلبك من عتيبه صار ماهو صافي
كان عاده فيك عزالله .. ماهي فيـه
ذيب عرواا
كنت احسب ان الثبيتي فالعلوم اسنافي
وأثره اللي مايعرف أفعولنـا الدوليـه
اشهد ال برقا وروق الا الكلام الهافي
دون حلقي يالثبيتـي لاتلـوم ايديـه
ههههههههه
بيض وجيهكم يالاثنين
محاورة قمة جدآ
صح لسااانك يابن سرحان مليااار
وصح لساااانك ياذيب عروا مليااار
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|