بسم الله الرحمن الرحيم
السلام عليكم ورحمة الله وبركاته
اقدم لكم هذه المتواضعه عسى ان تروق لذائقتكم
(فبركه
)
ياوقتنا وصل الاذى حتى الامـوات=ماهـو بكافـي مايلاقـون الاحيـا
الدرب شايـك والقـدم بالمتاهـات=ويصعب على المكفوف تمييز الاشيا
ليلٍ بهيم وبحر ومـواج وصـوات=يعمس عليك الراي من بين الاريـا
جرح الزمن ماتحتويـه العلاقـات=مايندمل واجسـاد ماضيـه عريـا
العولمـه والمجتمـع والقرابـات=يابري حالي تالـي الوقـت بريـا
لجة ظلامٍ غطرستهـا البشاعـات=عينت لي طاريـك يااللـي تطريـا
كابوس من حلم الليـال الاخيـرات=رز الضعيف وهـدم قصـور عليـا
يافبركـه يادبلـجـه ياحـركـات=ابطون ماتت جوع وبطـون مليـا
وش حجة الايام عن فايـتٍ فـات=إليا صلتك أسعـار الايـام صليـا
لكن وش باقي لنـا مـن مطمـات=اليـوم حـزن ضعوفنـا بالهبليـا
نقطة قلم في صفحة الحزن هيهات=جـرحٍ عميـق ولا يحاليـه حليـا
ياعالمٍ ذاقت مـن الظلـم ويـلات=وين النفوس اللي من الهـم خليـا
الغش والتقليـد وصـل البقـالات=ونقول يـاالله فالمـزون الهمليـا
والصدق ضايع بين زيف الشعارات=والعفو جنب الحقد غصنـه ذبليـا
والخافي أعظم في بطون الملفـات=أبيات شعـرٍ قافيتهـا علـى اليـا