[ابورازن فالمريخ]

لا تسأليني عن أسباب الزعل مدري // يجوز نفسي على كثر الجفى ارتاحت

أو يمكن إني عرفت السر من صغري // ما بالحمامة حزن لو إنها ناحـت

حتى اتخذت الهجر في مقتبل عمري // طبيعة راحت الأحبـاب ما انزاحت

ما والله ابكي ولكن من سنا جمري // شف ريحة العود لولا الجمر ما فاحـت

كم عبره لا غفيت أكنها بصدري // مير البلا لا قعـدت الصبـح ما راحـت

تكبر معي تدرك المحجر ولا تجري // من يوصف الدمعة اللي ما بعد طاحت

أبقى على حالتي ادري ولا ادري // لا اجتاحت أيام بعض أيام ما اجتاحت

بس اتركيني أنا وعبراتي وعذري // عايش على ذكريات الغير لا راحـت

وإلا أنت بالذات لا تجرح ولا تبري // لا عين رفت لـك ولا أذن صاحـت