[محمد قبلان العتيبي]

البدايه من ضميري وابتدي بسم الله = قبل مبدا في القصيده وافتح البيباني
شرهتي على قصيدي كان ما اشفى العله=ماعترف به وان نشدتو قلت مايعناني
كان ماهو مثل سيف ابن الوليد اسله=لانصيت ابه الجموع الطاغيه واشفاني
لا حرام اني ماجيبه واحتزم واشتله=والله انه مايخاويني ولايبراني
خوته خوة خليل انكر جمايل خله=بعده ابرك لي ويلقا له خليلٍ ثاني
والعلوم طوال والخافي بجيبه كله=سجلوها بسم ابو بندر ولد قبلاني
نعنبو قلبٍ يجيه من الحقيقه ذله=كيف اغط النور0 الآ ياالله لاتبلاني
السلوم اليوم في وقت الرخا منحله=ماحفظها لافلان ولاولد علاني
جيت ادورها ونشّد واثرها في السله=قال ابن علان يمكن فعلة الورعاني
كان لاهي وعقبوه وقطعوها الشله=الكبيرمع الصغير ومعهم الوسطاني
من فعايلهم تشوف العقل فيه الخله=وعقبها يمكن تجيك ايام ماتلقاني
والصداقه في زمان المصلحه منشله=مدتٍ من كفها ماتروي الضمياني
الصديق اللي ليا قربت منه الدله=ثم سوا لسحابه في السماء جنحاني
وانطلق واثره مسوي فالمجره فله=واتخيل فلّته لكن ماوداني
في السعه وش ذا الوليده لا انتصب ماشاالله=ماتقول الا معي عثمان ابن عفاني
والرفيق اللي لياحصل عليه زله=مدري زله ولا يمكن من بليس اغواني
شال في صدره علي وصرت مثل العله=نظرته لاشافني ماكني الا اللجاني
مادرى ان الرفق ضل احجاب يلقـا ضلـه=منهج الطيب ومنهج ورثة الشيباني
واحمد الله مالحقني شك ابد لابالله=يرحم الله من على حلو النبا رباني

ش/محمد قبلان العتيبي00