[صاهود]

المشاركة الأصلية كتبت بواسطة نادر العش

حياك الله يا راعي الجدعا بن وايل

ونحترم نظرتك ونحترم مشاركتك معنا بآرائك .. والله لايهينك

ولكن لماذا قلت في آخر كلامك ( الشكر لنادر العش على النقل) ؟؟
الموضوع غير منقول طال عمرك ..



عموماً :

اسمح لي بتصحيح بسيط وهو :

أن الشطر اللي يقول فيه زيد بن سلمي (الجبل شال الجبال ولا على الطيب ملامة) يكون معناه :أنكم ياعتيبة كالجبال وطردتونا ونحن كالجبال أيضاً وليس علينا ملامة إذا هزمتونا لأن الحرب غالب ومغلوب وليس بها مايعيب.



بيت الزلامي واضح في معناه لأنه يقصد:
(لو انكم مثل الجبل يامطير ان كان ما تحركتوا من الحجاز وتهامة لين وصلتوا منظقة "قرية" في المنطقة الشرقية) ,,, و
ونحن نعرف جميعاً ان عتيبة طردت مطير من الحجاز أو أو تهامة أو أدنى الحجاز حتى وصلوا منطقة "قرية". وعلى اساس كذا اكيد ان الزلامي يوم قال (الجبل لوكان راسي ماتحرك من تهامة,,,كان صار آخر محطة منطقة قرية سكنها) يقصد فيه طردة مطير من الحجاز .

وكلنا نذكر محاورة الزلامي مع تركي 2000 يوم يقول الزلامي :
(سقناك من قلّة الحرة و غربي نعام ......... ديار تصبح بها وديار تمسي بها)

هذا دليل آخر على ان عتيبة طردت مطير من الحجاز او الحرة ومن ديرة اسمها نعام , وعلى اساس كذا هذا دليل على ان الزلامي في محاورته مع زيد بن سلمي يقصد طرد مطير من الحجاز .







وانا أشكرك جزيل الشكر يا راع الجدعا بن وايل و أحترم رأيك .. والله يعطيك العافية على نقاشك الهادئ والجميل ..









.

يانادر العش كيف تقول كلنا نعرف ان عتيبه طردوا مطير لين نزلو قريا اتق الله في نفسك
ونحن لازلنا في ديارنا فالحجاز ونجد والمستوي والصمان والدبدبه والكويت

ياخوي ديرتنا عن ساجر 40 كيلو وهي الارطاوي والدمثي والظاهريه عن عفيف 30 كيلو وخشم كشب

ونباري ديار عتيبه لين تاقف عتيبه فالطايف ومطير تواصل للحره وين راحت ضريه واثله وثيلان والحسو وام المدابغ والعبدليه والثامريه والعمق والمهد وقران والعمار وبدايع الضبطان وش اعد واخلي

وتقول كلنا نعرف خذها مني ماحد يعرف الامور اللي قلتها غير انت

وبعدين مستند في بيت الزلامي يوم نزلتوا قريا هذا كلام ماله واقع قريا تحت ولّيت ابن عريعر ماجيناها فاضيه

.................................................. .................................................
.................................................. ...............................................
.................................................. ..............................................