[مقهوي]

اعتقد ماكان يقصدون الحديث

يقصدون سالفه قديمه طلعت وانشرت بين خطباء المساجد وفي المدارس وفي النشرات الي كان يحطونها في المساجد .. وفي المحاظرات الدينيه الي في الاشرطه والمخيمات الصيفيه وغيرها

عن سالفة رجل مات ولما حفروا قبره طلع ثعبان من قبره وقال الشيخ احفروا قبر ثاني لما حفروا طلع الثعبان مره ثانيه وقال الشيخ احفرو ثالث لما حفرو القبر الثالث طلع الثعبان مره ثالثه .. سأل الشيخ عن الميٌت وقالوا انه مات وهو مايصلي .. قال الشيخ خلاص ادفنوه هذا الشجاع الاقرع ينتظره .. لما دفنو الميٌت ألتف الثعبان عليه وعصر الميٌت لين سمعوا طقطقت عظامه من تحت القبر .. طبعا السالفه طلعت كذب ومرٌوجها واحد من خطباء المسجد ذاك الوقت

هذه السالفه الي يقصدونها وطبعاا مو دفاع عنهم ابدا لكن اليوم شفت المسلسل ومعاي ناس كبار في السن شوي قالوا عن هذه السالفه انها انتشرت قبل ازمة الخليج وصارت مثل سالفة المكائن والزئبق الاحمر صارت تنقال في كل مكان حتى في المدارس .. وهم جابوا طاريها في المسلسل من باب التريقه

آخر تعديل مقهوي يوم 17-Sep-2009 في 07:23 PM.