[محمد النخيش]

بسم الله الرحمن الرحيم

متواضعه أمل أن تحور على رضاكم

ماباقي ألا خمسة ليال توكيد=ويقفي رمضان ونبتدي بالمعايد
يالله عساني بالشهر فايدن فيد=عفوك وغفرانك وزول النكايد
حتى لاحل العيد بالناس والبيد=نفرح فرح مسلم يعرف العوايد
والعيد عقب الصوم ياجعله سعيد=وعزي لمن قدمه يكبر وسايد
قلته وكلن يأخذ العلم ويزيد=يالين يأتي من يجيب الجدايد
ذكر فإن التذكرة دايم تفيد=للمؤمن اللي مع عقيدته سايد
دينه على دين النبي ماهو يحيد=يبغى الجزاء من رب كل البدايد
ينشد من الله رحمة مالها قيد=تضفي عليه ولاتخيب النشايد
وأنا معه على النقا والتفاريد=أطلب من الله في تمام الحمايد
وأذكر إخواني بما أقدره وأجيد=ويالله عساني بالفريدات جايد

وسلامتكم

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@