[ابوريان المقاطي]

لون الرجال تخلي البل ليا خليت ## أنا بعتها والمرجله غيرها مليون

مساع المراجل في عدد حوشها محصيت ## حلال وحرام ومن يحوشونها يشفون

لو الرود جمع المال ونجيت ونصديت ## تبعت النعومه والعشاء والغداء مضمون

لاكن البلاء هبهابها مع رجال الصيت ## مقادم قبايل نجد شرابة الغليون

هل الخيل والبل والطرب والحديد نعيت ## ليال الحرايب سلمها بيننا مسنون

رعينا قرارة نجد ونقلت مازليت ## نرش أقبلانا لين نروي وهم يروون

تكلمت في الماضي وغنيت وستكفيت ## وغني عن الحاضر عسى عزوته يوحون

طربنا ياهل نجد المسى ليا خصيت ## هل البل ليا قامو يشدون ويحلون

ليا صلحوها من مسره ليا حليت## على مارفع جل العشاير لظلم ودون

تقروة لنجد عن الطلوله وريح الزيت ## هواء قاضها نسمانها كنه الفريون

وتدلت هماليل الوسامي على الكبريت ## ودانيه من صلب اللهابه ليا أم قرون

وراده عسوسن من هل الكلمه التثبيت## دلايل هل البل لانوو للحيا يمشون

تشوف الجهام مع المغاتير ليل وليت ## لها زود فن وللمغاتير زود فنون

طرب طيبينن مثل تركي ومثل بخيت## يسبونها ألي دون من صالها يزرون

وأنا رغبتي دفع المغاتير مامليت## ولا هاض قلبي تاجر الببس والصابون