بسم الله الرحمن الرحيم ......
السلام عليكم ورحمة الله وبركاته .........
في تاريخ 22/8/1430هـ جرت محاورة بين الشاعر متعب الحبردي -المعروف باسم متعب العطاوي – وبين الشاعر غازي الميموني وكانت الحفلة في القرارة . وكان ممن حضروا من الشعارحياد الشيباني و عبد الله الغامدي و محمد الجميلي و فهد قطنان الشيباني .
فبسم الله نبدا محاورة متعب العطاوي وغازي الميموني :
متعب العطاوي :
عد الحجيج الي تزاحم فالحرم في كل عام = يا مرحبا في حفلة السلي صبي المرجله
الليل يا غازي تفضل يالكريم ابن الكرام = يالشاعر الي مع رجال المعرفه مانجهله
غازي الميموني :
عد العباد الي تجي وتروح مع باب السلام = دام البقا يالي لكم بين القبايل منزله
عندك كلام بخاطرك وانا بعد عندي كلام = خلال المعاني تنتظم مثل انتظام السلسله
متعب العطاوي :
اليوم ياغازي مع الاجواد تدعي بالسلام = والعام ماتدري وش سهوم الليالي المقبله
انا ليا مني بدعت القاف مافيها كلام = انته معي وانا معك على اتجاه البوصله
غازي الميموني :
حنا عيون القافله والنور جلاي الظلام = اهم حاجة ماتبع الي ضايع" مستقبله
وش فيك تفطر يالعطاوي واكثر العالم صيام = الوقت مابه مرحمية وانت مافيك عجله
متعب العطاوي :
ياغازي انته شاعر بطيار فالساحه تمام = والحمل جاير ياولد ميمون لكن اشتله
ياصاحبي غازي ترا المامون في حكم اليمام = امقفله باقفالها وامسك طريق القافله
بعد ذلك قام الشاعر حياد الشيباني وطلب محمد الجميلي الحربي وجرا طاروق بينهم لا بأس به وان شاء الله عما قريب اورده هنا
اخوكم / مشاري الحبردي