[الحسيب]

--------------------------------------------------------------------------------
الألـف أولـف كايفـات اللحونـي =مثايلـن تزهـى علـى كـل لونـي
من واقعن ينشـاف شـوف العيـوني =ابدى بها بالطيـب وفيـه الختامـي
والباء بنيت القاف والقـاف ميـزان=على الحروف وكل حرفـن بعنـوان
مافيه حقن بـإن مـن دون برهـان=هذ كلامـي وافتخـر فـي كلامـي
والتاء تزول النعمـة اللـي بتبذيـر=وتزول حتى صحبتن مش على خيـر
هذيـك والله عفنتـن مثـل خنزيـر=نكرم وتكرم كـل ربعـن حشامـي
والثاء ثراتك كان ماهي علـى ديـن=مـاعـاد والله ينفـعـن الملايـيـن
لاصار ماهـي فرحتـن للمساكيـن=على الزكاة تزود فـي كـل عامـي
والجيم جارك والخوي وايضاً الضيف=وهاذي ثلاثـاً بينـات التواصيـف
ياحيف رجـلاً ماعرفهـا وياحيـف=هـاذي شـداد المعرفـه والسنامـي
والحاء حلاة الكيف وسط المعاميـل=وطيب المعارف مكسبـن للرياجيـل
يوم الردي دايـم قليـل المحاصيـل=عمر الردى مـادام عمـره ودامـي
والخاء خيار النـاس دايـم لأهلهـا=ولايستـوي للحمـلـه الا جملـهـا
والله خلـق هالنـاس والله كفلـهـا=والوقت يمشـي والعمـر للامآمـي
والـدال دامـك فالستـر والعوافـي=ومرهي عليك الرب والأمن ضافـي
لاتفتكرفـي قـول شافـي ولافــي=من يتبـع القالـه يهـان ويضامـي
والـذال ذكـرك بيـن كـل البرايـا=هوعمـرك الثانـي ومثـل المرايـا
تشوف بـه قـدرك وكـل النوايـا=ويبان منهو صاحبـك والخصامـي
والراء رعايا الله في حفـظ الامانـه=خل الولـي قـدام وجهـك وعانـه
مـاذل ربـي مسلمـن عـز شانـه=في طاعتـه ينـزاح كـل الظلامـي
والزاء زللـك برجلـك الا لسانـك=اللي كماقالو الـى صنـت صانـك
واللي بعد قالوا الـى خنـت خانـك=وزودن على كثر الحسوفـه تلامـي
والسيـن سـرك لاتوريـه للنـاس=واذا انجبرت ابده على حازم البـاس
اللي اذا مـا سـر ماهـوب بـلاس=اللي علـى الرفقـه يشـد الحزامـي
والشين شاور صايب الراي شـوره=اللي عصره الوقت واعيـاه جـوره
والوقـت مابيـن الحـلا والمـروره=ولكل شـئ ان كـان تفهـم نظامـي
والصاد صد ان جاك فالدرب مقرود=خلـه يولـي جعـل لاراح مايعـود
ترى طريقـه دايـم الـدوم مسـدود=هاذي تجـارب والتجـارب علامـي
والضاد ضم اريالك اللـي يداريـك=وارضى القناعه في قليـل ويكفيـك
اخيـر مـن منـة عيونـاً تراعيـك=المـال كبـر صاغريـن الاسامـي
والطاء طراة الشئ لاجاءفـي حلـه=لاهـوب سباقـن ولا الوقـت زلـه
مذكورتن فـي كـل مذهـب وملـه=كل شئ فـي وقتـه تمـام التمامـي
والظاء ظلام الوجه كبـر المصيبـة=ياويل من دعـوة ضعيفـن تصيبـه
مظلـوم والمظلـوم لـه مستجيـبـه=يالله دخيلـك مـن كبـار الاثامـي
والعين عقـل الادمـي هـو جمالـه=دايم وراعـي العقـل مرتـاح بالـه
والرجـل بلسانـه يقـاس اعتدالـه=ترى العقل للرجـل مثـل الخطامـي
والغين غيبه مسلمـن منـك غافـل=لوكان فأردى النـاس منحـط سافـل
مأنت بوصي الله على الخلـق كافـل=والنـاس كـلاً دون نفسـه يحامـي
والفاء فروضـك ياولـد واحتسبهـا=والاخـره ماكـل رجـلاً كسبـهـا
أمافـي جنـه او سمـوم ولهبـهـا=في موقفـن مافيـه خـال وعمامـي
والقاف قـول الحـق راس الفضيلـه=أعلى الجهاد اللـي علـى الله سبيلـه
خير الحكـي لا جـاء قليلـه دليلـه=والحق يقطع مثـل قطـع الحسامـي
والكاف كف الشـر والسـن بسنـون=وامر الولي لاجاء على الكاف والنون
وأفطن في صكات الدهر مأنت مأمون=انته ترى مثـل الهـدف والسهامـي
واللام لوم النفس هو نصـف توبـه=والنصف الاخر كـان كفـر ذنوبـه
والنفـس ماهـي بالخطايـا مثوبـه=والله غفـورن للذنـوب العظـامـي
والميم من لايعتبـر بالخطـا ضـاع=ومن لايداري لقمتـن تشبعـه جـاع
ومن لاحفظ نفسه هوت فيه الاطمـاع=ماعاد ميـز وش حـلال وحرامـي
والنـون نـار الحقـد والله عظيمـه=لـو انتقصاهـا اسـاس الجريـمـه
والحلـم شرعـا للعقـول السليـمـه=اهـل العقـل والفكـر والاحترامـي
والهاء هدايا الوقت كشـف الصداقـه=طول الدهر يبحـث خفايـا الرفاقـه
يالله دخيلـك مـن رجـال الحماقـه=ياكثرهـم مثـل الجـراد التهـامـي
والواو والله ماجبرني علـى القـول=الا رجالـن تفعـل القـول وتطـول
في مدح ربعي قمت انا اصول واجول=والمـدح مايوفـي كبيـر المقامـي
يالله ياعذبـات المعـانـي تعـالـي=فالماقـف اللـي يحتمـون الرجالـي
الارض تشهـد والحقايـق جبـالـي=والصدق من طبع الرجـال الكرامـي
حنا بني زعـب الـذي جـده اسليـم=واسليم أبن منصـور مافيـه تعتيـم
في الجاهليه ثـم الاسـلام ماضيـم=اسمن جمعنـا نفتخـر بـه وسامـي
منزالنـا مابيـن مـكـه ويـثـرب=وان دندندوا في طبلة الحرب نطـرب
حوض المنايـا لا وردنـاه نشـرب=خوض المعارك عشقنـا والغرامـي
فـي فتـح مكـه للرسـول المعظـم=عقد لوانـا فـي بطلنـا المخضـرم
الاخنـس اللـي بالمياديـن مـغـرم=على الرسول افضل صلاة وسلامـي
منـا رجالـن بالمعـالـم شهـيـرة=عباس بن مرداس وكعب وضميـره
ياماكتبنـا فـي سطـور الجزيـرة=من فوق خيلـن عاديـات الهمامـي
سدنا علـى الحـره سلاطيـن جمـا=ومن ثم جينا وسـط نجـد المسمـى
واللي بعـث للهاشمـي قـول عمـا=الواحـد المعـبـود رب الانـامـي
وجتنا من الطائف بن هلال واهـلا=لمعنا في سابع جـد بالعـم والخـال
في جدنا منصـور ماهـوب ينقـا=لرواية الكلبي فـي شـرح الامامـي
دجنا في هضبة نجد الى حـد تيمـا=ومعنا بواسل من هـلال الصريمـا
كم شوفتـن اصبـح ولدهـا يتيمـا=بمصقلاتـن مرهفاتـن صـرامـي
ومن ثم غربنا على الغرب الاقصـى=وامسى علينا الليل والفكر ما امسـى
جينا الزناتي بين غرسـن ومرسـى=في راس حصنن مايجيـه الحمامـي
ودارت علينا امـن الدوايـر عربنـا=وشبت شمال افريقيـا مـن حطبنـا
صارت مداهيل العرب مـن سببنـا=جمعـن كبيـر ولاذكـر بانهزامـي
وحنا ترى اللـي ميتميـن المهـارا=عـن جارنـا سقنـا خيولـن تبـارا
فرسان الى جاء عند قـدح الشـرارا=وقت الهـداد يبـان فعـل القطامـي
وحنا هـل الجيـره رجـال الحميـه=من دون ابن صبخي وجنب المطيـه
يوم الـردي لاخـاف همـل خويـه=الخـوف ماطـول حيـاه النعامـي
وحنا على جديـن غانـم ومتـروك=سبعة عشر جمعن على ختم واصكوك
من واقعن ماهوب تزوير واشكـوك=مثل المطر من صادقـات الغمامـي
واجموعنـا لاجيـت ابيـن عددهـا=مثل البيوت اللـي طوالـن عمدهـا
والله يخـص بنعمتـه مـن حمدهـا=ربـي ولاغيـره عليـه اعتصامـي
فينا العجارم هم على روس الاشهـاد=مثل النجوم اللـي بهاالركـب ينقـاد
متوارثين المجد مـن جـد واجـداد=اهـل السيـوف امورديـن الحيامـي
وفينـا غويـرات السلاطيـن حكـام=جمعن شديد ولاخسر قـط وانضـام
كم شيخ قفـو فـي حلالـه ولانـام=عقب القهر اصبح يعـض البهامـي
والادغافـل كاسبـيـن النوامـيـس=اللي علـى سـود الليالـي مدابيـس
سواعدن للسيـف والرمـح فريـس=اهل الحـروب الدايـره والزمامـي
واعيال ابن جبلان روس المراقيـب=اعيال عودن ما حسـب للمحاسيـب
شيخن كتب اسمه على شجرة الطيـب=مورد ركاب القوم جوف المضامـي
واعضودنـا اللـي دايمـن مستلمـه=اللي علـى روس البـلاوي مطمـه
اهل المواقـف هـم رجـال المهمـه=كم فارسـن ذكـوه يـوم الزحامـي
واعيـال الاجـذم والمسمـى وهابـا=في مامضى قد قيـل قولـن صوابـا
ياسعـد منهـم لابـتـه فاالنهـابـا=صويبهم تبطـي جروحـه دوامـي
وجمع الشهبات امخلصيـن اللـوازم=في ساعة البلـوى تصـك المحـازم
رجالهـم مايرتخـي العـزم جـازم=لاطالت الطرقه وجاء الدرب شامـي
والله واكبـر مـن رجـال الشليـات=تفننو في الحـرب والغـزو غـارات
كم سربتن خلـو مجاميعهـا اشتـات=بشلفـن تلهـب عاجـلات الولامـي
وآل رمضان اهل المثايل والاشعـار=اعيـال عـودن فالمواجيـب جبـار
والحرماينجب ترى كـود الاحـرار=رمز الوفاء هـم غايتـي والمرامـي
وجمع الحناظـل لابتـن بالعـزاوي=لطامـت العـدوان يـوم النخـاوي
أهل الشداد اللي على العسـر يـاوي=كبار الصحون اللي تصب الايدامـي
والاد طوق اللي بـه الفكـر واعـي=فريـض حقـاً بالاوامـر يطاعـي
صيته كما طيبـن تشعشـع وذاعـي=بالحـق والحكمـه ولبـس العمامـي
وجمع الاجاود هم هل العلـم والعلـم=قشران في الصكات واجـواد فالسلـم
اهل الوجيه النيره هـم هـل الحلـم=عدوهـم مـاذاق حـلـو المنـامـي
واما السعده ياسعـد منهـو نصاهـم=امكمليـنـن بالمـزايـا وفـاهــم
جمع الرجال اللـي يـذري ذراهـم=كم شتتو من جمـع عقـب اللمامـي
وجمع الدخنه في قمة المجد معـروف=منبع صناديدن كما العيـن والشـوف
والذكر فيما شافت العين موصـوف=تفرح الى جت بين سيـاف ورامـي
وجمع الهـوادي والنعـم بالهـوادي=ليثاً علـى نطـح المعـادي يعـادي
وصفه كما نجماً على النـاس بـادي=لاجن غداري مثل جـوف الجمامـي
والاد حمـران المسمـى مناعـيـر=خطلان الايدي والوجيـه المسافيـر
لاصيحن بالصوت بيـض الغناديـر=بانـت سواياهـم نهـار الكعـامـي
والاد عسكر لابتي هم هـل الخيـل=كسابـة العليـا نـهـار التهـاويـل
هاذي فعايلهم ومن جيل الـى جيـل=اهـل المهـار امثـورات العسامـي
هـاذي حمايلنـا واسامـي اهلـنـا=في شرقـي الصمـان جينـا نزلنـا
والعـذر فيمـا قـد حكينـا وقلـنـا=حنـا اجتهدنـا والجهـود اهتمامـي
ولنا مـع المـره عهـود ومواثيـق=واسمن مسمى ماحصل فيـه تفريـق
منصى الجلاوي لاتوازي من الضيق=الاد مـره مـن محاديـر يـامـي
والنعـم والله فـي جميـع القبـايـل=والنعم حتـى فـي جميـع العوايـل
والفضل بالتقوى ماهوب بالاصايـل=واتلاى حياة الادمي وسـط خامـي
والله يديم الامـن والشـرع والعـز=في ضف منهو جاء على الحكم وارتز
صرحاً طويلاً ما تزعزع ولا اهتـز=باني قصور العـز عقـب الخيامـي
والياء يارب الكون يارب الاربـاب=ياواحـدن ماتنقفـل دونـك ابـواب
ياخالقن هالنـاس والمـوت بأسبـاب=ياكاسيـن باللحـم كـل العظـامـي
تغفر لنا ماقيـل مـن كـل الالسـن=المقبلـه واللـي بعـد جـن واقفـن
منك المخافه والرجاء فيـك أضمـن=اعداد من صلـى وزكـى وصامـي