السلام عليكم ورحمة الله وبركاته..وكل عام وأنمتم بخير..
يا صبح لا مرّيت هاك الشـبابيك=يمكن تحصّل لك بعـد صبح ثاني
دايم حراوي طلّتـه مع حـراويك=يستنشـق الريحـان والقحوياني
له طلّة ً تبهـج مثـل طلـّة ً فيك=تملا حيـاتي بالسعـد والحناني
ياصبح وأهنيك تجيـله مواطيك=وأنا عـنـه كـل الأمـور تحداني
حظي على الحرمان يمـشي تماتيك=ما اذكر تطـلّبت الزمان وعطاني
لن قلت عطني قال ماني بمعطيـك=وأن قلت تكفى قال ماني وماني
أنا الأسير اللي زمانه على هيـك=مدري تبليـت الهوى وابتـلاني
أقبلت للدنيا وأبي ذي وأبي ذيك=لكـن عنّي صدّ وجه الزماني
يا صبح سلّم لي على اللّي يـواتيك=ياليـت لك يا صبح قلب ولساني
واعلمـك باللّي بـقلبي واوصيك=وأنته توصل كلمتـي فـي ثواني
يا صبح لا تجـرح بنورك مخاويك=لا تجرحون البعض وأنتم خواني
مره وقله شـاعرك ميـتً فيك=والنّا وعد بكره بنفس ال
[