[أبـوحرب]

ذيب الشمري :

الرباعـــــــــيه لها دورن كبير = قـــوم يانواف للشوط الأخير
خلها تصبح عبوسن قمطرير = والله الـــوالي ولا غيره ولي

دام النوايا ناشفه ماهي خصاب = إجـــــــــهودنا لايمكن إستثمارها

جارالله السواط :

عندنا معناك ماسلم الذهب = شب نارك ياحمر العينين شب
العرب ماتضحك ألا من عجب = والله الـــوالي ولا غيره ولي

جينا لكم ياصحابنا والأنــــس طاب = نقــــطف من الأثمار زين أثمارها

ذيب الشمري :

الثـــــــــقه فيها جلام وسكري = يوم شخصها الطبيب الشمري
ماتعــــــــــالج فالعلاج البربري = والله الـــوالي ولا غيــره ولي

إقلـــــوبكم فيهـــــــا تورم وإلتهاب = لاكـــــــن حناجركم تحن أوتارها

جارالله السواط :

منــــــته إبدكتور أنا أكبر طبيب = ميـــــر عني ياعميلي لاتغيب
أنقطع رزقك يامقطوع النصيب = والله الـــوالي ولا غيــره ولي

أنا عذابك واعــــــذابك بالعــــذاب =أنته بفكـــــرك والعرب بأفكارها

ذيب الشمري :

أنت صربي ماتحب البوسنه = أحترفت اللصلصه والقرصنه
عيدو ياربع في راس السنه = والله الـــوالي ولا غيــره ولي

......................................... = بالحب أجيها وأضمن إستعمارها

جارالله السواط :

نبني البنيه على معنى وساس = ياجحا يعرف هدفك أبونواس
خل عندك قيس أنا عندي قياس = والله الـــوالي ولا غيــره ولي