[الشاعر فهد رحيم النفيعي]

هذه قصيدة من نظمي بعنوان ( على جناح الطير ) ونهاية البيت نفس الكلمة ولكنها شقر اي نفس الكلمة ولكن بمعني ثاني ارجو ان تنال رضا الجميع



على جناح الطير

على جناح الطير ما فيه منه = كل(ن) يسج الرجل شرق(ن) وشامي
خوينا فالوقت ما فيه منه = مهو خليجي يا ريا جيل شامي
كبير فا الافعال وصغير سنه = وليا وقف يرد يمي سلامي
منهاجه التوحيد يا خير سنه = عرفت ميقافه بحرب وسلامي
وليا هرج بالصدق ما فيه عنه = على دروب العز شرع ونظامي
ولو اعتذر ما فيه عنه وعنه = العدل اساس الشرع صعب(ن) نظامي
مالد عينه يم من زاد جنه = سامي بتفكيره من الناس سامي
ويبعد عن الطغيان ويريد جنه = يسمع كلام الحق خالد وسامي
وافي مع الوافين ما فيه ظنه = وياخذ في الميقاف درع وسامي
ما يختلف فكره ولا شان ظنه = يطب سوق(ن) فيه بائع وسامي