ماحلى المشوار من فوق جيب اخر موديل =منوت اللي ديرته مبطيٍ مازارها
زين جلده لقبلت للمسا شمس الاصيل =مع فياضٍ يشرح الصدر شوف ازهارها
جيب لكزز لو يقولون ماجاله مثيل =دايم اهل الصنف يمه تلد انظارها
فالبلد والبر ولا مع الدرب الطويل =نازح الدار البعيده يقرب دارها
من شراه وجربه فاللوازم مستحيل =مايبيع الحاجه اللي عرف مقدارها
مثل شيخٍ فالوغا جرد السيف الصقيل =في نهارٍ ثار دخانها وغبارها
ينثني دون الكسيره ليا نار الذليل =ساعةٍ فيها النشاما تضيع افكارها
نصه اللي يكرم الضيف ويفك الدخيل =والفتن بين الرفاقه يطفي نارها
وجنبه عن بيت راع النمايم والبخيل =وخير من سرد العلوم الطوال قصارها
والسلام ختام والحمد والشكر الجزيل =لخالق العالم وعالم جميع اسرارها
الشاعر / سلطان بن براك الغنامي