[وافي الخماش]

جديد ..







حبيب العازمي ×× مستور العصيمي


شعراء .. يستحقون المتابعة ..




19 /6 / 1430هـ (( عفيف ))






..






حبيب العازمي

يامستور العصيمي يا مدير البنك هات قروش = مدير البنك ماتعطي قروش اجل وش الحيلة
طرحنا راعي العمة وباقي راعي الدنبوش = نبى نقضى علاه ان كان اشاء الله هاذي الليلة

مستور العصيمي

ولا ياحبيب الليلة وصلك من الجنوب الطروش = ترا ما عاد يبقى غير تكبيرة وتهليلة
لقينا راعي العمة يسولف عند أبو طربوش = ولو انك حضرته كان علمتك تماثيله

حبيب العازمي

عسى ربي يحيهم بساط المكرمة مفروش = وحنا غار وجه ترانا ما نصلي له
سنون الذيب صعب اطيح لو اطق بالشاكوش = لاكن الحصني الازهر ليا شافه ركز ذيله

مستور العصيمي

ياراع المال لا يغدي علاك المال صك الحوش = ليا منى حضرنا الكيف ناخذ من فناجيله
ترا سود الليالي يالعتيبي تبدي المخشوش = ودرب الذيب بيّن يا حبيب من مداهيله

حبيب العازمي

بلشنا بالبضايع والبضايع بعضها مغشوش = ورجلٍ ما يسويها عسى الله ما يسوي إله
ابو زيد الهلالي زارنا يمشي وراه جيوش = ولولا طيب راسه كان ما تركض لنا خيله

مستور العصيمي

انا خابرك في بعض المواقف تعتزي وتهوش = وفي بعض المواقف تنكب الكيلة على الكيلة
الا يالعازمي لا تحسب الايام لعب إكبوش = وبـعض الناس يا رجال في عقله يودي إله

حبيب العازمي

لا تظلم حظك الي باقيٍ من شوشته عرموش = يا ليتك شمت عن هاذي وعن هاذيك تحويلة
دجاجة صاحب المصنع فقّيه بيضها مفقوش = وباقي البيض جعله عقب والمشوار يصحي له

عسى ان تنال على إعجابكم ..


وفقت في كتابتها ..






..