مشعل الديحاني=
سلام الله سلام(ن) من ضميري يعجب الحضار=على كل الضيوف ومنتـدى الهيـلا وشعـاره
ابيلي شاعر عتيبـي يجـي بالملعبـه مغـوار=اليامن المطيـري شـب نـاره ولعـت نـاره
سعوود العصيمي=
هلا يامرحبا بك من هجوس تكـرم الخطـار=بعد ماجيت ضيف اقلـط هيـلٍ بمسمـاره.
وصلتك يالمطيري هات علمك والطوال قصار=لياشبيـت نـارك كـل رجـالٍ ومقـداره
مشعل الديحاني=
يدوم الك البقا ياللي ترحب بالسلام الحار=هلا يامرحبا بك ياهلا ياعمـدة الحـاره
علومي عندكم ياصاحبي تلقا لها تذكـار=واعرف ان العتيبي مانسى علمي وتذكاره
سعوود العصيمي=
تروح يمين والا يالمطاري تتروح يسار=تبا تلقى جوابي في يمين الدرب ويساره.
ليامنا رجعنـا للحقايـق سيفنـا البتـار=جنايزكم منه معاد تلقـى نـاس قبـاره
مشعل الديحاني=
اشوف الهرج لامنه لفا منكـم عليـه غبـار=ولكن جاك منهـو ياعميلـي ينفـض غبـاره
تزور بالحقايق والعرب تدري وش اللي صار=نسمي لك شيوخ روحوا فـي مقـدم الغـاره
سعوود العصيمي=
يقولون العرب من يعرف المارد من المصدار=حقوقه ماغدت لو كثر ميـراده ومصـدراه.
تسمي وش تسمي لو نسمي دم روحك فـار=ذكرنا في مطير الحق ميـر مطيـر بـواره.
مشعل الديحاني=
ليا جاك المطيري يالعتيبي تحتمـي بالغـار=ولا تقـدر تقـرب ياعميـل الخيـر لديـاره
انااللي عام الاول يالعصيمـي جيتكـم زوار=وشعيب الضيط ماهو ناسي(ن) ياصاح زواره
سعوود العصيمي=
على طاري ذكر ديرتك وشهي سبـة المحـدار=عسى ربي يبارك في زمـانٍ فـات وشعـاره.
انا اذكر في شعيب الضيط سبعه من رجال امطار=هذا علم الصحيح اللي حصل ماحاصلٍ غـاره.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|