[ابن صنهوت]

اليكم هده الدره من درر شاعرنا رشيد الزلامي طال عمره

يـامتعب الاقدام ماشي على ويـن=مع جرة جـاهـا العجـاج ودفنهــــا
ارجـع وعـد اخطــاك وحده وثنتيـن=واكبح جماح النفس والزم رسنهـا
لا تـامن الدنيـا ترى وضعهــا شيـن= مــاعــاد به دنيــا صحيح بدنهـــــا
ليـا صـاروا العقــال مثل المجانيــن= واصبح ردي العرف يامر وينهـــى
أنــا مجـرب والتجـــارب بـراهـيـــن= اراهـن الايــام واكسب رهنهـــــا
منهـا عرفت الفـرق بين الفريقيــن= سبحان من صاغ العقول اوزنهـــا
وان كان صح ان التجـارب براهيــن= ضمنتهــا لـن كان ربي ضمنهــــا
ورفقة ردي المعرفـه بعتهــا ديــن= على زبـون ضمهــا واحتضنهــــا
بغى يجيني بالثمــن قلـت بعديــن=امسك فلوسك لين ننشدك عنهـا
مابعتك الا سلعة ياأحمــر العيـــن= ابيعـهـــا وابيـــع حتى ثمنهــــــا
والله مبـا فيها الثمـن لو قرشيـــن= بس المهم اني تخلصـت منها