منتدى الهيلا---اداره---مشرفبن---واعضاء ---وزوار تحيه طيبه من القلب واليكم هذه الابيات المتواضعه ارجو قبولها كما هي لاهنتم جميعا
(هــــــجوســـــــي)
)
هجوسي يا عتيبه ما مسكها القفل والكيلون = على حدب الضلوع وتكسرها من زود ما فيها
وانا ما اقول جنيًه ولا ني قايلٍ مجنون=ولكن صادق احساس المشاعر دوم يحييها
يهيضها دعاة الخيرلا قامو له ينادون= عسى الله ينصر دعاة الصلاه ومن يصليها
رجالٍ في دروب الخير يا الاجواد ما يمسون= رجال الحسبه الي تخًمد الفتنه وتطفيها
ويطربها صفار الدله وبن اشقرٍ موزون=وزنها الي مجدًد ماه ما سوى ثناويها
كريمٍ ما حسب للمال لا ميه ولا مليون= ودايم يكرم الضيفان والجيران يقريها
ويشعاها بكارٍٍٍ عفر بيضٍ كنها العرجون= (عليهن المطارق وسم ذي مفرج) ويحميها
ليامن صاح صياح العرب فيها نهار الكون= تقف من دونها العدوان ما تقدر تعاديها
ويفتنها شعاع الشمس ويجدد عليها لحون= شعاع الصبح ولا حزة عصير وطواريها
ليا هب النسيم ومالت غصون الشجر بالهون= توارد كنها العقد وتلسلسل في معانيها
وتهيض لا بدا من قبله بروق(ن) وكوم مزون= وتطرب للفياض الخضر ومشاهد خباريها
وتم القول يا عتيبه وكلن له هوا وفنون=وخفايا النفس رب الكون عالمها ومحصيها