حبيب العازمي مع محمد السناني
الــــســــنــــانــــي
ياسلام الله سلامٍ على روؤس الحـرار=لرجـال اللـي لهـا فالـزوم مقدمـه
ياحبيـب طالـت الهيمنـه والأحتكـار=وأنت ماأدري تجهل العلم ولا تعلمـه
حـــــبــــــيــــــب
مرحبا ترحيبـتٍ دايـره فـي كـل دار=لرجـال مصممـه للـزوم مصممـه
كان ماعندك صبر مالـك إلا الأنتحـار=حط في نفسك شريحة جهـاز ملغمـه
الــــســــنــــانــــي
البقا بالشاعر اللـي تحـوّل مستشـار=مايهمـه لـو يقطـع بدمـه ولحمـه
أحسبنك فيـك قـدره لتنفيـذ القـرار=وهثر بني البيت عندك ملعثـم لعثمـه
حـــــبــــــيــــــب
مايقدم من رجـالٍ عليهـا إلا الخيـار=وأنت يامطوع جهينه محمـد عكرمـه
البشـوت مفصلـه لطـوال وللقصـار=والسناني ركبته شبر عن كعب إقدمـه
الــــســــنــــانــــي
أشهد إن الحظ طيب وزاد النـار نـار=وأنت مابين الفريقين تبغـى المكرمـه
ميـر لاهـذا ولا ذا يطلعلـك شـعـار=كود مستور العصيمي يلـد لمحزمـه
حـــــبــــــيــــــب
فرق مثل الفرق فالليل عن فرق النهار=عاصمتك العيص وإعشيره إلنا عاصمه
ليت عن نفسك تحاول تـرد الأعتبـار=أنت في مافات وإسمك ماغر بالمرسمه
الــــســــنــــانــــي
ياحبيب قبل تصـل المشاريـه الكبـار=كل ديره عنـد أهلهـا بـلاد مكرمـه
أنت رافقت العصيمي ولحـق القطـار=ليت يامستـور بنـيٍ بنيتـه تهدمـه
حـــــبــــــيــــــب
والله إنا مانحاول على كشـف الستـار=مير خيـره يامحمـد تكـب النمنمـه
رفقتي عز وشرف مع طويلين العمـار=وأنت لاشفت العصيمي قعدت تخمخمه
الــــســــنــــانــــي
والله إنـي لاعـدوك ولا طـلاب ثـأر=مير حصلتك لحالـك تديـر منضمـه
يوم راع الطيب ماله عن الطيب إعتذار=الرجل يؤخذ على الكلمه اللي من فمه
حـــــبــــــيــــــب
روح دور ربعك اللي غدوا في قندهـار=كل من خان الوطن للحكومـه سلمـه
لن بغيت الطيبه ماعى الطيـب غبـار=وإن بغيت الثانيه كل جنب وميسمـه
الــــســــنــــانــــي
وأنت إلك معهم جماعه تلاقوا فالمطـار=كل متجنـي يبالـه طلـب ومحاكمـه
عيضه الثبيتي و حبيب العازمي
عيضه الثبيتي
يامرحبا والليالي بيض مثل النهار=لولا غلا أهل المعزه ما تعبنا لها
ياحبيّب العازمي يامطول الأنتظار=أهل المعرفْه من العام اتحرا لها
حبيب العازمي
دام البقاء والليالي بيض والجو حار=وأيامنا المقبله ما نعلم أحوالها
أنته من العام وأنته تنتظر فالمطار=والطائره فالمدرج وأنت تبرا لها
عيضه الثبيتي
بيني وبينك ترى وجه الزمان استدار=والصحبه الأوله ماهي على حالها
هذا السنه تضرب الأرض ويطير الغبار=لِكن الأرض الصليبه لا تحمى لها
حبيب العازمي
وش رائك أنك تخليها ولا شي صار=بعض الهواجيس فال الله ولا فالها
أخشى نطق الحجر وأخشى يطيح الجدار=والسالفه كلها دله وفتجالها
عيضه الثبيتي
حنّا نمد اليمين ولا نمد اليسار=ونجازي الناس يابن روق باعمالها
ما دامت أن الحريقه مبتداها شرار=ياجعلها في طرف غترتك وعقالها
حبيب العازمي
يابن معيوض ترىماهي برد اعتبار=الله يخلي رجال الحرب لرجالها
ماتكتب الشرهه الا فوق رؤس الكبار=وأن كان ماهي بيمّك لا تحرى لها
عيضه الثبيتي
ماعقب عيدالضحيه غير رمي الجمار=ياربعنا اللّي غضبها يقطع أرسالها
الله يعينك على بعض الحقوق الكبار=لين الحمول الثقيله تبرك أجمالها
حبيب العازمي
ياربعنا لا تثيرون الفتن فالديار=الفتنه النائمه لا تصحي عيالها
أبوك قاضي وأنا راضي وهات القرار=يمكن تعوّد علاك وكيف تشتالها
عيضه الثبيتي
حنّا نعز الجدار ولا نهدم الجدار=والشجره اللّي تظلل نعرف ظلالها
يمكن يطيح الجبل من شدة الأنفجار=والشرهه اللّي علاكم حط معدالها
حبيب العازمي
الظاهر أنك شبكت الطار والطار طار=مابقي الا تطيح الدلو وحبالها
الشرهه اللي لها قيمه جزاها اعتذار=والشرهه الثانيه حتى عذر مالها
عيضه الثبيتي
يامقصرين الطوال مطولين القصار=اليا تعدوت لي القوم اتعدوى لها
بعض المعاذير مافيها يابن روق خار=مكثر معاذيركم واقول يبغى لها
حبيب العازمي
مابيننا للعداوه حج ولاّ مزار=وأن كان هذي علومك جوّد أقفالها
ياعيضه الدرب واضح لا تعكس المسار=اللحيه اللّي ماتقبل عذر عزى لها
عيضه الثبيتي
يا سيل وادي مسرّه كيف تنحي شهار=لعلها مايخيّل فوقك خيالها
القرص فوقه عسل صافي ولا هو قفار=مافيه حيلها يابن عيزوم تحتالها
حبيب العازمي
الأوديه كلها تنحي ومعها حجار=مير الشعيبين لا تنزل على جالها
ارد من كلمتي واربط عليها الزرار=أخاف من شرهة الدنيا وعقالها
عيضه الثبيتي
اللي يسوق الجمل واللي يسوق القطار=كله على شان يوصلها لميصالها
اطيّب حليب الغنم ولاّ حليب البكار=جاوب على كلمتي وتحصل بدالها
حبيب العازمي
بعض المشاوير تطلع مثل لعب القمار=واللّي مايدريبها وشلون يصحى لها
ماني مصنف لبن وأنته لك الاختيار=واللّي يحلب الديوس يحددّ اشكالها
عيضه الثبيتي
لن كان تبغى الحقيقه كلها بأختصار=ترى قصار الدروب أطيّب من طوالها
يبى يصرّ الصخل ولا يحّن الحوار=كله من اجل الديوس وحالكم حالها
ملفي المورقي مـع حبيب العازمي
ملفي المورقي
هبَت هبوب الريح والحظ طيَب=لكن خوض الملعبة ياحبيب
لو ان رميك ما يوقع قريب=السفن ينطحها الهواوي حداها
ياحبيب العازمي ليلك سرى=أخذ السوالف وعطني ردها
أقدم على النار لا ترجع ورى=أن كان تقدر عليها صدها
حبيب العازمي
هبَت هبوب الريح والله يقوَيك=كل شي غير الرمي ماني براميك
أ ليا بغيت أفعل لزمتك بأذانيك=السفن ينطحها الهواوي حداها
لابد الايام وعيونك ترى=تكشف لك المتقي لابدها
قدمك ضلاعين أكبرها كرى=حب الضلاعين والا هدها
ملفي المورقي
أنت تحسبني على كيف كيفك=يالعازمي جندي وملفي عريفك
ماهو بنافعك العصيمي حليفك=السفن ينطحها الهواوي حداها
إن صار بالسوق بيع ومشترى=إن كان عندك فلوس نعدها
يا صاحبي علم اللي مادرى=أنا ألزم القوم والعن جدها
حبيب العازمي
أنفخ لنفسك كان صدرك يضيقي=مستور ابن عمي عضيدي رفيقي
وانته حليف(ن) للعدو والصديقي=السفن ينطحها الهواوي حداها
لو نجذب الغرب بالحبل أنفرى= يازين حل الحبال وشدَها
أحيان يالمورقي مالك ذرى= وأحيان يمناك تلصفق خدَها
ملفي المورقي
أنا سواة الذيب يمشي لحاله=ما لد لاخوانه وعمه وخاله
من يتبع العربان يفداك حاله=السفن ينطحها الهواوي حداها
ما نا شب(ن) بالحلوق الا الغرى=والا العوارف بعيد سدَها
ياعازمي ويش صار ويش جرى=عن بعض الاشياء يمينك مدَها
حبيب العازمي
ما أقول لك صادق ولا أقول كذَاب=أحيان فعلاً صح واحيان نصَاب
واليا سمعت مطلًقه رحت خطَاب=السفن ينطحها الهواوي حداها
يالله لا تلحقني لوقت الزرى=يالمورقي عشَ طالق غدَها
لو نضمد الجرح يا ملفي برى= لو كان بعض العرب ما ودَها
ملفي الورقي
لاهنت وانته يا احمر العين لاهنت=وراك في بعض الدعاوي تبينت
الرَاجع أحسن يا حبيب من البنت=السفن ينطحها الهواوي حداها
لا يا عسى خير ياطار(ن) طرى=ماعرف مزح العرب من جدَها