[الفراهيدي]

مطلق الثبيتي مع حبيب العازمي

الـــــــــعـــــــــازمــــــــــي

زاد الكلام وزادت الصفين=من شاف راع السيل من شافه
بيني وبينه سلت السكين=مـــــــــــا فيه لارحمه وألا رافه

الــــــثــــــبـــــيــــــتـــــــي

لو تلتبس لك بينهم بشتين=البــــحـــــــــر ما ينقصه غرافه
بالهون ياركان أبو حثلين=اللي عشـــق دبر العناء عافه

الـــــــــعـــــــــازمــــــــــي

الشرع يحكم والشهود اثنين=وغير الثنين اثنين حـــــــلافه
ورآك يا مطلق تلد العين=وش شفت قدم الذيب وخــلافه

الــــــثــــــبـــــيــــــتـــــــي

مالك ورآنا يا حبيب دين=والشرع ثابت فوق ميقـافه
ما شفت قدم الذيب غير الزين=واللي يطرف فالخلا حـافه

الـــــــــعـــــــــازمــــــــــي

خليت الاردن يالشريف حسين=والخوف في جوفه وفطرافه
سلم العرب وقت القسى والين=كلً علاه ايضفي الحــافه

الــــــثــــــبـــــيــــــتـــــــي

الله ياحسبي على الاثنين=كلً يصج السمع غطرافه
الموتر اللي صانعه فالصين=أعمى عيون الناس كـشافه

الـــــــــعـــــــــازمــــــــــي

الله دعى فالوعل أبو قرنين=عود يدف الضلع بكتافه
لكن جاي من أين رايح وين=ياسرع ميقافه ومحـرافه

الــــــثــــــبـــــيــــــتـــــــي

اجناه ابو نخله وابوسيفين=معاد اله فالسوق صرافه
ترى الثبيتي ياغراب البين=معروف مرباعه ومصيافه

الـــــــــعـــــــــازمــــــــــي

الظاهر ان صرافته مقفين=هفت بهم مع راس مهيافه
اصبر شويه والعلوم اتزين=يالافه انته قدمك الافـــــه

الــــــثــــــبـــــيــــــتـــــــي

بعض العرب فيهم طباعن شين=اعصيهم للقطــــــن نتافه
الشيخ من لايتبع المقفين=كلن يرجع فوقه أسلافه

الـــــــــعـــــــــازمــــــــــي

مهوب منا من هل الضلعين=اللي تعرف القطن وأصنافه
بالله لاتاكل على الحيين=خل الهــلال يوقف إسعافه

محاورة بين حبيب العازمي و مستور العصيمي

حبيب العازمي:

ابن تركي يباله قاف مثل النار والبنزين

ـــــــــــــــــــــ حريقه في حريقه والمطافي ماتطفيها

على شان العلوم اللي نبى تفسيرها بعدين

ـــــــــــــــــــــ يخربها ولد جاره ولا يقدر يسويها




مستور العصيمي:

ليا شبيتها نرميك فيها ياغراب البين

ـــــــــــــــــــــ علاك اتشبها وأنا علي اكفتك فيها

والا يالعازمي ماني بزايد فوق دينك دين

ـــــــــــــــــــــ أخذ عبر التجارب فاول الدنيا وتاليها




حبيب العازمي:-

أنا ماني غراب البين أنا خلالً يخل العين

ـــــــــــــــــــــ وأنا وشلون احول وسطها وأنت متوقيها

ثمان سنين زايدها ثمان سنين كم سنين

ـــــــــــــــــــــ نعش الأرنب السوداء وتفتلنا باذانيها




مستور العصيمي:-

أنا ماني بخابر عازمي واحد طويل ايدين

ـــــــــــــــــــــ ليا طالت يدينه ماتعدّا عن مخابيها

سوالف ماتخالف ياحبيب بين حين وحين

ـــــــــــــــــــــ لكن العازبات اللي يسرحها يضويها




حبيب العازمي:

لا بالله ربعك أنته كلهم شجعان وأنت دوين

ـــــــــــــــــــــ تمد ايداك وحبيب على كيفه يلويها

رحانا كل مادارت على حبً يروح طحين

ـــــــــــــــــــــ نداويها ونجرحها ونكحلها ونعميها




مستور العصيمي:

بناناها على طول الليالي مثل صور الصين

ـــــــــــــــــــــ تراكم صيدة ً فالوقت نطبخها ونشويها

ولا يارعي الحجه نبى برهانها ذالحين

ـــــــــــــــــــــ ولا تغدي علينا بين كاتبها وقاريها




حبيب العازمي:-

حديتونا على علم الردى ياربعنا الغالين

ـــــــــــــــــــــ رديه والرديه راجعها في حظ راعيها

يموت الحظرمي والحبحبه حمراء على السكين

ـــــــــــــــــــــ ولا يقدر يقطــــــــــــعها ولا يقدر يخليها




مستور العصيمي:-

عسى الله ينصر الأسلام ويقوم عمود الدين

ـــــــــــــــــــــ ويكتب لك ثوابك فالصلاه اللي تصليها

ابوي امحارب الكفار في غزوة بدر وحنين

ـــــــــــــــــــــ وأبوك اللي مغار يسند الديره وينحيها




حبيب العازمي:-

يقولون الرجال الضعف دائم حيلة المسكين

ـــــــــــــــــــــ وحنا أهل المروه والضعافه ماندنـــــيها

ابوك الله يغفر له قضاها مع رعاة الضين

ـــــــــــــــــــــ ويزعل لو يشوفك فالغنم سارح مفليها




مستور العصيمي:-

يقولون الرجال العز ضرب السيف ابوحدين

ـــــــــــــــــــــ وابا اذكرك في بعض اللحون اللي تغنيها

أنا دوبي عرفتك ياحبيب بعد عام الفين

ـــــــــــــــــــــ واعاين في وجيه الناس واجرحها واداويها





حبيب العازمي:-

ترى اللي يدفع الدرمه على وقت الشريف حسين

ـــــــــــــــــــــ علاه ملاحظه عند الزكاه اللي يزكيها

ليا منا تمادانا ترانا كلنا مخطين

ـــــــــــــــــــــ وأنا جيتك مصيبه والمصيبه وين تغديها



[color=#FF0000]
مستور العصيمي:-

أخذها شيخنا يوم العرب بين القساء واللين

ـــــــــــــــــــــ تبى تشهد لنا الأيام حاضرها وماضيها

حبيب بن دغيم العازمي مع معيوض بن دبيان الثبيتي

حـــــــبـــــــيـــــــب

سلامي سلامً فوقـه البـن والهيـل=وفوقه ملا كفـي مـن الزعفرانـي
ولا يامعيوض جيت من وادي السيل=ولكن غيرك باقي صحيـب ثانـي

مــــــعــــــيـــــــوض

هلا مرحبا رحبً يعـم الرياجيـل=وبعدين اخص ابها الرجال الذهاني
لياجيتكم سكـرت كـل التحاويـل=من اجل الدروب اللّي تلايم زمانـي

حـــــــبـــــــيّـــــــب

يقولون فالاخبار موجز وتفصيـل=وأنا اقول فالاخبار بعض المعانـي
تموت الشجاعه كان ماتوا هل الخيل=وترجع تبيع السرج ولاّ الحصانـي

مــــــعــــــيـــــــوض

قطعتوا علينا القافلـه ياهـل الفيـل=اثر شانكم ماهـو مطابـق لشانـي
تجيبون للهندي مساحـي وزنبيـل=وصارت قضيـه يالله المستعانـي

حـــــــبـــــــيـــــــب

بغانا نحد الريل عن سكـة الريـل=وقاموا رجال ثبيـت بالخيزرانـي
ياكثر الدلال اللي مامعهـا فناجيـل=وأنا ماعليه مـن فـلان وفلانـي

مــــــعــــــيـــــــوض

انا شرهتي فالضلع بالحيل بالحيـل=ولا يحتملها الصاحـب الشقلبانـي
وأنا بازهم القاضي واجيب المعاديل=واسامحك لا من عوّدت للحسانـي

حـــــــبـــــــيـــــــب

الك شرهةً وحده ليا ما وفى الكيـل=والك ساعةً فالوقت والعمـر فانـي
نبا ننشد القاضي عن العدل والميـل=قبل يقسم الميـراث بيـن الخوانـي

مــــــعــــــيـــــــوض

شهود القضيه ناس من حرب وهذيل=ولا ني بجايب شاهد مـن خوانـي
اشوفك تشوف الجدي وتلد لسهيـل=وغرك مع المسرى سهيل اليمانـي

حـــــــبـــــــيـــــــب

وراء ماتقاضى للعرب من سرائيل=ترى اللي يبيع الخوف يشر الاماني
ترى مالك بعض الدعاوي مداخيـل=وقلنا يمـوت الـداب والعقربنـاي

مــــــعــــــيـــــــوض

عسى الله يعوض بخير فيد المهابيل=ومـن باعنـي بالهينـه ماشرانـي