الاعزاء :
للتواصل آمل ان تنال اعجابكم ,,,
اشغلت تفكيري وقلبي من العام!! = وملّ القلم شعري وطيّب لحوني !!
حتى الورق مل وجفا حبر الاقلام = ماكنها كانت عليّه تموني !!
واليا طرى طاري وطير السعد حام = الله يكون ابعون قافي وعوني !!
ماغير اجر الصوت واسج الاقدام = واحاول اداوي بصبري طعوني !
تسرقني احداث الليالي والايام = حتى لذيذ النوم حارب جفوني !!
انسى واقول ان المواعيد قدام = على الامل ياخر بقايا شجوني !!
ياكثر ماتصدق معي بعض الاحلام = وياكثر ماخابت بعض من ضنوني !!
لكن دام احلامي اضغاث واوهام=وشلون اصدقها واكذب عيوني !!
ألوم نفسي قبل لازلّ وانلام = واحط خط . وحدّ خلفي ودوني !!
واليا ارتكبت اذنوب واخطاء وآثام = ماشال كل احمولي الا متوني !
ولو تخلف الدنيا قوانين وانظام= ماغيرت طبعي وشكلي ولوني !
ولو للغلا مقياس حطّمت الارقام = واشعلت بأشموع الفرح كل كوني !
واصحابي اللي فاللقاء درع وحزام=مدري جفوا معناي والا جفوني!!
اعزهم من بدّة الخاص والعام = ولاني بناسيهم ولو هم نسوني !!
غالين وابصم في غلاهم بالابهام = وافرح بشوفتهم ليا قابلوني !!
مابيننا الا زود تقدير واكرام = ومالومهم لو انّهم عاتبوني !!
ولاني مجاملهم مادام الغلا دام =واكبر خطا في حقّي ان جاملوني !!
| التوقيع |
ياناشد ٍ عن عتيبه تعرف اعتيبه =قبيلة ٍ تظهر المسجون من سجنه !
قوم ٍلها العزّ والامجاد والهيبه =وتشهد لها الناس ( قبل العرض واللجنه )!
واللي تشوفه على (الصحرا ) نماريبه =هذاه مترك سليل المجد ابن حجنه !
mrm@mergab.com |